തൃശ്ശൂര്: മലയാളത്തിലെ പ്രമുഖ സാഹിത്യകാരി അഷിത (63) അന്തരിച്ചു. ചെറുകഥാകൃത്തും കവയിത്രിയും വിവര്ത്തകയുമായിരുന്നു. ചൊവ്വാഴ്ച രാത്രി തൃശ്ശൂരിലെ സ്വകാര്യ ആശുപത്രിയിൽ വച്ചായിരുന്നു അന്ത്യം. അര്ബുദ ബാധയെ തുടര്ന്ന് ചികിത്സയിലായിരുന്നു.
അഷിതയുടെ കഥകള്, അപൂര്ണവിരാമങ്ങള്, വിസ്മയ ചിഹ്നങ്ങള്, മഴമേഘങ്ങള്, ഒരു സ്ത്രീയും പറയാത്തത്, കല്ലുവെച്ച നുണകള്, തഥാഗത, മീര പാടുന്നു, അലക്സാണ്ടര് പുഷ്കിന്റെ കവിതകളുടെ മലയാള തര്ജ്ജമ തുടങ്ങിയവയാണ് പ്രധാന കൃതികള്.
2015ലെ കേരള സാഹിത്യ അക്കാദമിയുടെ ചെറുകഥാ പുരസ്കാരം അഷിതയുടെ കഥകള് എന്ന കൃതിക്ക് ലഭിച്ചു. ഇടശ്ശേരി പുരസ്കാരം, പത്മരാജന് പുരസ്കാരം, ലളിതാംബിക അന്തര്ജനം സ്മാരക പുരസ്കാരം, അങ്കണം അവാര്ഡ് തുടങ്ങിയവ നേടിയിട്ടുണ്ട്.
പ്രതികരിക്കാൻ ഇവിടെ എഴുതുക