ഭോപ്പാല്: കേന്ദ്ര ആഭ്യന്തരമന്ത്രി അമിത് ഷാക്ക് വധഭീഷണിയെന്ന് മധ്യപ്രദേശിലെ ബിജെപി എംഎല്എ ലീന ജെയ്ന്. അമിത് ഷാ ഗഞ്ച്ബസോഡ പട്ടണത്തില് വന്നാല് ബോംബ് സ്ഫോടനം നടത്തി വധിക്കുമെന്നാണ് ഭീഷണിക്കത്തില് പറഞ്ഞെതെന്ന് ലീന ജെയ്ൻ പറഞ്ഞു. കത്തില് പേരോ ഒപ്പോ ഉണ്ടായിരുന്നില്ല. തനിക്ക് നേരെയും വധഭീഷണിയുണ്ടെന്നും എംഎല്എ വ്യക്തമാക്കി. ഇത് സംബന്ധിച്ച് പൊലീസില് പരാതി നല്കിയിട്ടുണ്ട്.
പരാതിയില് അന്വേഷണം നടത്തുമെന്ന് വിദിഷ എസ് പി പറഞ്ഞു. ബസ് സ്റ്റാന്റിലും റെയില്വേ സ്റ്റേഷനിലും സര്ക്കാര് ആശുപത്രികളിലും സ്ഫോടനം നടത്തുമെന്നും ഭീഷണിയുണ്ടെന്നും ഭോപ്പാലില്നിന്ന് ബോംബ് സ്ക്വാഡിനെ വരുത്തിയിട്ടുണ്ടെന്നും എസ് പി വ്യക്തമാക്കി. പരാതിയെ തുടര്ന്ന് നഗരത്തില് സുരക്ഷ വര്ധിപ്പിച്ചിട്ടുണ്ട്.
പ്രതികരിക്കാൻ ഇവിടെ എഴുതുക