ഇന്ത്യൻ വിപണിയിലേക്ക് റെഡ്മി 7എ എത്തുന്നു. റെഡ്‌മിയുടെ പുതിയ പതിപ്പ് ജൂലൈ നാലിനാണ് ഷവോമി ഇറക്കുന്നത്. കൂടാതെ ഫ്ലിപ്പ്കാര്‍ട്ട് വഴി എത്തുന്ന ഈ ഫോണിന്‍റെ ഒരു ടീസര്‍ ഷവോമി പങ്കുവച്ചിട്ടുണ്ട്. റെഡ്മീ 7 എ എന്നാണ് ഫോണിന്‍റെ പേര്.
ഇന്ത്യയില്‍ ഷവോമിയുടെ എ-ഫോണുകള്‍ മികച്ച പ്രകടനമാണ് കാഴ്ചവച്ചിട്ടുള്ളത്. റെഡ്മീ 4എ, റെഡ്മീ 5എ, റെഡ്മീ 6എ എന്നിവയുടെ 23.6 ദശലക്ഷം യൂണിറ്റുകള്‍ ഷവോമി ഇന്ത്യയില്‍ വിറ്റിട്ടുണ്ട്. 5000-7000 റേഞ്ചില്‍ ഇന്ത്യയില്‍ ഏറ്റവും വില്‍പ്പനയുള്ള ഫോണ്‍ ഇതാണ്.
ഒക്ടാകോര്‍ പ്രോസസ്സറോടെയാണ് പുതിയ റെഡ്മീ 7 എ എത്തുക എന്നാണ് സൂചന. ചൈനയില്‍ ഇതുവരെ 7 എ ഇറങ്ങിയിട്ടില്ല. ഷവോമി ഇന്ത്യ മേധാവി മനു കുമാര്‍ ജെയിന്‍റെ വാക്കുകള്‍ പ്രകാരം ഈ ഫോണില്‍ വലിയൊരു മാറ്റം ഉണ്ടാകും എന്നാണ് പറയുന്നത്. 10,000ത്തിന് താഴെയായിരിക്കും വില എന്ന സൂചനയാണ് ലഭിക്കുന്നത്.
പ്രതികരിക്കാൻ ഇവിടെ എഴുതുക