കോട്ടയം: പാലാ ഉപതിരഞ്ഞെടുപ്പിന്റെ വോട്ടെണ്ണല് ആരംഭിച്ചു. നാല് വര്ഷം കെ.എം. മാണിയെ മാത്രം വിജയിപ്പിച്ച പാലായില് നിന്ന് അദ്ദേഹത്തിന്റെ പിന്ഗാമിയായി നിയമസഭയിലെത്തുന്നത് ആരെന്ന് ഇന്നറിയാം.
രാവിലെ 8ന് കാര്മല് പബ്ലിക് സ്കൂളിലാണ് വോട്ടെണ്ണല് ആരംഭിച്ചത്. 176 ബൂത്തുകളിലെ 1,27,939 വോട്ടുകള് 14 റൗണ്ടില് എണ്ണും. 10 മണിക്കുള്ളില് ഫലം അറിയാനായേക്കും.
പോസ്റ്റല് വോട്ടുകള് കൂടാതെ സര്വീസ് വോട്ടുകളുമാണ് ആദ്യമെണ്ണുക. ഇതു പൂര്ത്തിയായശേഷമായിരിക്കും വോട്ടിംഗ് മെഷീനുകളിലെ വോട്ടുകള് എണ്ണിത്തുടങ്ങുക. ഇതിനുശേഷം അഞ്ചു ബൂത്തുകളിലെ വിവി പാറ്റ് യന്ത്രങ്ങളിലെ സ്ലിപ്പുകളെണ്ണും.
രാമപുരം, കടനാട്, മേലുകാവ്, മൂന്നിലവ്, തലനാട്, തലപ്പലം, ഭരണങ്ങാനം, കരൂര്, മുത്തോലി, പാലാ മുനിസിപ്പാലിറ്റി, മീനച്ചില്, കൊഴുവനാല്, എലിക്കുളം എന്നീ ക്രമത്തിലാണ് എണ്ണുക.
നറുക്കെടുപ്പിലൂടെയാകും എണ്ണാനുള്ള വിവി പാറ്റ് യന്ത്രങ്ങള് തീരുമാനിക്കുക. 13 റൗണ്ടുകളായിട്ടാണ് വോട്ടെണ്ണുക.
ഓരോ റൗണ്ടിലെയും വോട്ടെണ്ണല് പൂര്ത്തിയാകുമ്പോള് വോട്ടുനില നാഷണല് ഇന്ഫൊര്മാറ്റിക്സ് സെന്ററിന്റെ trend.kerala.gov.in എന്ന വെബ്സൈറ്റില് ലഭിക്കും.
പ്രതികരിക്കാൻ ഇവിടെ എഴുതുക