പാലക്കാട്: പാലക്കാട് സര്ക്കാര് മെഡിക്കല് കോളേജ് ഡേയ്ക്ക് ചീഫ് ഗസ്റ്റായെത്തിയ നടന് ബിനീഷ് ബാസ്റ്റിനെ അപമാനിച്ച് സംവിധായകന് അനില് രാധാകൃഷ്ണമേനോന്. നടൻ സംസാരിച്ച് തുടങ്ങിയപ്പോൾ സംവിധായകൻ വേദി വിട്ട് ഇറങ്ങി പോവുകയും ചെയ്തു.
തന്റെ സിനിമയില് ചാന്സ് ചോദിച്ച് നടക്കുന്ന ഒരു മൂന്നാംകിട നടനൊപ്പം വേദി പങ്കിടാനാകില്ലെന്ന് സംവിധായകന് കോളേജ് അധികൃതരെ അറിയിക്കുകയായിരുന്നു. തുടര്ന്ന് പരിപാടി തുടങ്ങുന്നതിന് ഒരു മണിക്കൂര് മുമ്പ് പ്രിന്സിപ്പലും യൂണിയന് ചെയര്മാനും ബിനീഷ് താമസിച്ച ഹോട്ടലില് എത്തി പരിപാടി ഉദ്ഘാടനം കഴിഞ്ഞ് എത്തിയാൽ മതിയെന്ന് ബിനീഷിനെ അറിയിച്ചു.
https://www.facebook.com/sahin.antony/videos/2699803876751269/
കാരണം അന്വേഷിച്ചപ്പോഴാണ് മാഗസിന് റിലീസിങ്ങിന് വരാമെന്നേറ്റ സംവിധായകന് അനില് രാധാകൃഷ്ണ മേനോന്, ബിനീഷ് വേദിയില് എത്തിയാല് ഇറങ്ങി പോകുമെന്ന് പറഞ്ഞതായി അറിയുന്നത്.
എന്റെ സിനിമയില് ചാന്സ് ചോദിച്ച് നടക്കുന്ന ഒരു മൂന്നാംകിട നടനോടൊപ്പം വേദി പങ്കിടാന് എനിക്ക് കഴിയില്ലെന്ന് അനില് പറഞ്ഞയി കോളേജ് ഭാരവാഹികള് ബിനീഷിനെ അറിയിച്ചു. പക്ഷേ പിന്മാറാന് ബിനീഷ് തയ്യാറായില്ല. നേരെ വേദിയിലെത്തിയ ബിനീഷ് നിലത്തിരുന്നു.
വേദിയില് നിലത്ത് കുത്തിയിരുന്ന് പ്രതിഷേധിച്ച ബിനീഷിനോട് ഇറങ്ങി വരാനും പൊലീസിനെ വിളിക്കുമെന്നുമാണ് മെഡിക്കല് കോളേജ് പ്രിന്സിപ്പല് പറഞ്ഞത്. അനുനയിപ്പിക്കാന് ശ്രമിച്ച സംഘാടകരോട് എനിക്ക് ഒരു മുപ്പത് സെക്കന്റ് സംസാരിക്കണം എന്ന് ബിനീഷ് ആവശ്യപ്പെട്ടു. ‘ ജീവിതത്തിലെ ഏറ്റവും വലിയ ഇന്സല്ട്ടിംഗ് അനുഭവിക്കേണ്ടി വന്ന നിമിഷമാണ് ഇന്ന്. ചെയര്മാന് എന്റെ റൂമില് വന്ന് പറഞ്ഞു അനിലേട്ടനാണ് ഗസ്റ്റ് ആയി വന്നതെന്ന്. ഈ സാധാരണക്കാരനായ ഞാന് ഗസ്റ്റ് ആയിട്ട് വന്നാല് അനിലേട്ടന് സ്റ്റേജില് കേറൂല, അവനോട് ഇവിടെ വരരുത് എന്ന് അനിലേട്ടന് പറഞ്ഞെന്ന് അവരെന്നോട് പറഞ്ഞു.അവന് എന്റെ പടത്തില് ചാന്സ് ചോദിച്ച ആളാണ്. ഞാന് മേനോനല്ല, നാഷണല് അവാര്ഡ് വാങ്ങിച്ച ആളല്ല’ – ബിനീഷ് പറഞ്ഞു.
എനിക്ക് വിദ്യാഭ്യാസമില്ല, അതോണ്ട് ഞാന് എഴുതിക്കൊണ്ടുവന്നതാണെന്ന് പറഞ്ഞ് അദ്ദേഹം നിറകണ്ണുകളോടെ കയ്യിലുള്ള കുറിപ്പ് വായിച്ചു. കുറിപ്പ് പൂര്ത്തിയാക്കിയതിന് ശേഷം വികാരനിർഭരനായി യാത്ര പറഞ്ഞിറങ്ങുകയും ചെയ്തു. വേദി വിട്ട ബിനീഷിനെ വലിയ കയ്യടികളോടെയാണ് വിദ്യാര്ത്ഥികള് സ്വീകരിച്ചത്.
പ്രതികരിക്കാൻ ഇവിടെ എഴുതുക