കൊറോണ വൈറസ് പടരുന്ന പശ്ചാത്തലത്തില് സംസ്ഥാനത്ത് 288 പേര് നിരീക്ഷണത്തിലാണെന്ന് ആരോഗ്യ വകുപ്പ്. ഇതില് ഏഴ് പേര് ആശുപത്രിയില് ചികിത്സ തേടുകയാണ്. കൊച്ചിയില് മൂന്ന് പേരാണ് ചികിത്സയിലുള്ളത്. തിരുവനന്തപുരം, ആലപ്പുഴ, പത്തനംതിട്ട, തൃശൂര് ജില്ലകളില് ഒരാള് വീതമാണ് ആശുപത്രിയില് ചികിത്സയിലുള്ളത്. നിരീക്ഷണത്തിലുള്ളവരുടെ ആരോഗ്യനില തൃപ്തികരമാണെന്ന് ആരോഗ്യ വകുപ്പ് അറിയിച്ചു.
ഇന്നലെ മാത്രം 109 പേരാണ് ചൈനയില് നിന്ന് കേരളത്തിലെത്തിയത്. വീടുകളില് നിരീക്ഷണത്തിലുള്ളവര്ക്ക് രോഗലക്ഷണമില്ലെങ്കിലും മുന്കരുതലിന്റെ ഭാഗമായാണ് നടപടി.
മടങ്ങിയെത്തിയവരില് വൂഹാൻ സർവ്വകലാശാലയിലെ രണ്ട് വിദ്യാർഥികളുമുണ്ട്. ഇന്നലെ രാത്രി 11 മണിക്കാണ് ഇവർ നെടുമ്പാശ്ശേരി വിമാനത്താവളത്തിലെത്തിയത്. പ്രാഥമിക പരിശോധനയിൽ കൊറോണ ലക്ഷണങ്ങൾ ഇല്ലാത്തതിനാൽ ഇവരെ വീടുകളിലേക്ക് അയച്ചു
പ്രതികരിക്കാൻ ഇവിടെ എഴുതുക