ബാഹുബലി സംവിധായകന് രാജമൗലി സംവിധാനം ചെയ്യുന്ന പുതിയ ചിത്രമാണ് ആര്ആര്ആര്. ചിത്രത്തിലെ പുതിയ സ്റ്റില് പുറത്തുവിട്ടു. ബോളിവുഡിലെയും ടോളിവുഡിലേയും പ്രമുഖ താരങ്ങളാണ് ഈ ചിത്രത്തില് അണിനിരക്കുന്നത്. എന്. ടി. രാമ റാവു ജൂനിയര്, രാം ചരണ്, ആലിയ ഭട്ട്, അജയ് ദേവ്ഗണ് എന്നിവരാണ് ഇതില് അഭിനയിക്കുന്നത്. ആര്ആര്ആര് എന്നാല് രൗദ്രം, രണം, രുധിരം എന്നാണ്.
ഡി വി വി ധനയ്യയാണ് ഈ ബിഗ് ബജറ്റ് ചിത്രം നിര്മ്മിക്കുന്നത്. ഇന്ത്യയുടെ സ്വാതന്ത്ര്യത്തിനായി ബ്രിട്ടീഷുകാര്ക്കെതിരെ പട പൊരുതിയ അല്ലൂരി സീതാരാമ രാജു, കോമരം ഭീം എന്നിവരുടെ കഥയാണ് ഈ ചിത്രത്തിലൂടെ രാജമൗലി പറയുന്നത്. ബാഹുബലിയുടെ വമ്ബന് വിജയത്തിനു ശേഷം രാജമൗലി ഒരുക്കുന്ന അടുത്ത ചിത്രത്തിനായി അങ്ങേയറ്റം ആകാംക്ഷയോടെയാണ് ആരാധകര് കാത്തിരിക്കുന്നത്.
പ്രതികരിക്കാൻ ഇവിടെ എഴുതുക