പാലക്കാട്: കോവിഡ് കേസുകള് കൂടുന്ന പശ്ചാത്തലത്തില് പാലക്കാട് ജില്ലയില് ഇന്നുമുതല് മുതല് മെയ് 31 വരെ ജില്ലയില് നിരോധനാജ്ഞ പ്രഖ്യാപിച്ചു. ആകെ എട്ട് ഹോട്സ്പോട്ടുകളാണ് ജില്ലയിലുള്ളത്. ജില്ലയില് മൂന്ന് ആരോഗ്യ പ്രവര്ത്തകര്ക്ക് രോഗബാധയുണ്ടായതിനെ ഗൗരവമായാണ് ജില്ലാഭരണ കൂടം സമീപിക്കുന്നത്.
നാലിലധികം ആളുകള് സംഘം ചേരുന്നത് ഒഴിവാക്കണമെന്ന് നിര്ദേശമുണ്ട്. ലോക് ഡൗണ് ഇളവുകള് പ്രകാരം കടകളുള്പ്പെടെ തുറന്ന് പ്രവര്ത്തിക്കാമെങ്കിലും കൂടുതല് ആളുകളെത്തുന്നത് ഒഴിവാക്കാനാണ് നിയന്ത്രണം. പരീക്ഷകള് പതിവുപോലെ നടക്കും. കെഎസ്ആര്ടിസി സര്വ്വീസ് നടത്തും.
രാവിലെ 7 മുതല് രാത്രി 7 വരെയുളള യാത്രകള്ക്കും നിയന്ത്രണമില്ല. എന്നാല് റെഡ്സോണ് മേഖലയില് കര്ശന നിയന്ത്രണമുണ്ടാകും. അതിര്ത്തിയില് പരിശോധനയും പൊലീസ് വിന്യാസവും ശക്തിപ്പെടുത്താനാണ് ലക്ഷ്യമിടുന്നത്.
ജില്ലയില് 19 പേര്ക്കാണ് ശനിയാഴ്ച മാത്രം കോവിഡ് സ്ഥിരീകരിച്ചത്. ഞായറാഴ്ച നാല് പേര്ക്കും. നാല്പ്പത്തെട്ടുപേരാണ് ആശുപത്രിയില് ചികിത്സയിലുളളത്.
ഈമാസം 11ന് ഇന്ഡോറില് നിന്നെത്തിയ ചാലിശ്ശേരി സ്വദേശി, ചെന്നൈയില് നിന്ന് 13 ന് എത്തിയ മലമ്പുഴ സ്വദേശി, തൊട്ടടുത്ത ദിവസ ചെന്നൈില് നിന്നെത്തിയ കഞ്ചിക്കോട് സ്വദേശി എന്നിവര്ക്കാണ് ഞായറാഴ്ച രോഗം സ്ഥിരീകരിച്ചത്.
പ്രതികരിക്കാൻ ഇവിടെ എഴുതുക