ചാര്ട്ടേഡ് വിമാനങ്ങളില് യാത്ര ചെയ്യാന് കോവിഡ് ടെസ്റ്റ് നിര്ബന്ധമാക്കിയ നടപടി പുനപരിശോധിക്കണമെന്ന് വിവിധ സംഘടനകള് ആവശ്യം ഉന്നയിച്ചു. പ്രവാസികളുടെ യാത്ര പ്രതിസന്ധിയിലാക്കിയ നടപടിക്കെതിരെ ഹൈക്കോടതിയില് ഹർജി നല്കുമെന്ന് അറിയിച്ചിരിക്കുകയാണ് ജിദ്ദ ഒ.ഐ.സി.സി. ഇതേസംബന്ധിച്ച് സൗദിയിലെ ഇന്ത്യന് എംബസിയില് നിന്ന് അറിയിപ്പ് ലഭിച്ചതോടെയാണ് സര്ക്കാര് അനുകൂല പ്രവാസി സംഘടനകളും സംസ്ഥാന സര്ക്കാറിനെതിരെ പ്രതിഷേധവുമായി രംഗത്തെത്തിയത്.
പ്രവാസികളെ എന്നും ചേര്ത്ത് നിറുത്തിയിട്ടുള്ള സര്ക്കാരില് നിന്ന് ഇത്തരം ഒരു നടപടി പ്രതീക്ഷിച്ചതല്ലെന്ന് സംഘടനകൾ പറയുന്നു. മുമ്പൊന്നും അനുഭവിച്ചിട്ടില്ലാത്ത വിധം സാമ്പത്തികമായും മാനസികമായും അങ്ങേയറ്റം വിഷമകരമായ സാഹചര്യത്തിൽ ഇത്തരമൊരു നടപടി പ്രായോഗികമല്ലെന്നും ഇവർ പറയുന്നു. സർക്കാരിന്റെ ഈ നടപടിക്കെതിരെ ഹൈക്കോടതിയിൽ ഹർജി നൽകുമെന്ന് സംഘടനകൾ അറിയിക്കുന്നു.
പ്രതികരിക്കാൻ ഇവിടെ എഴുതുക