2020 ഓട്ടോ എക്സ്പോയില് എംജി മോട്ടോര്സ് നിരവധി മോഡലുകളെ അവതരിപ്പിച്ചിരുന്നു. ഇതില് വാഹനപ്രേമികളുടെ കണ്ണിലുടക്കിയ രണ്ട് മോഡലുകളാണ് ഹെക്ടര് പ്ലസും, ഗ്ലോസ്റ്ററും. ഇതില് ഹെക്ടര് പ്ലസിന്റെ അരങ്ങേറ്റം വൈകാതെ തന്നെ ഉണ്ടാകും.
പിന്നാലെ ഗ്ലോസ്റ്ററിന്റെ അരങ്ങറ്റവും ഉണ്ടാകുമെന്ന സൂചനയാണ് കമ്പനി നല്കുന്നത്. മാക്സസ് D90 എസ്യുവിയുടെ പുനര്നിര്മ്മിച്ച പതിപ്പാണ് ഗ്ലോസ്റ്റര്. നിരത്തുകളില് പരീക്ഷണയോട്ടം നടത്തുന്ന വാഹനത്തിന്റെ ചിത്രങ്ങള് കഴിഞ്ഞ ദിവസങ്ങളില് പുറത്തുവന്നിരുന്നു.
ഇന്ത്യന് വിപണിയില്, എംജിയില് നിന്നുള്ള ഏറ്റവും ചെലവേറിയ വാഹനമാകും ഇതെന്നും റിപ്പോര്ട്ടില് പറയുന്നു. ടൊയോട്ട ഫോര്ച്യൂണര്, ഫോര്ഡ് എന്ഡവര് തുടങ്ങിയവയാവും പുതിയ എസ്യുവിയുടെ എതിരാളികള്.
പുതിയ റിപ്പോര്ട്ട് അനുസരിച്ച് വാഹനത്തിന്റെ ഒരു ടീസര് ചിത്രം എംജിയുടെ ഔദ്യോഗിക വെബ്സൈറ്റില് പ്രത്യക്ഷപ്പെട്ടു. വാഹനത്തിന്റെ ഏതാനും ഫീച്ചറുകളും ഡിസൈനും വ്യക്തമാക്കുന്നതാണ് ഈ ടീസര് ചിത്രം.
പ്രതികരിക്കാൻ ഇവിടെ എഴുതുക