കണ്ണൂര് പാലത്തായിയില് വിദ്യാര്ഥിനിയെ പീഡിപ്പിച്ച കേസില് ബി.ജെ.പി നേതാവും അധ്യാപകനുമായ പത്മരാജന് ജാമ്യം ലഭിച്ചതിലും സ്വര്ണകടത്ത് കേസിലെ പ്രതികളുമായി ബന്ധമുണ്ടെന്ന ആരോപണത്തെ തുടര്ന്ന് മുന് പ്രിന്സിപ്പല് സെക്രട്ടറി എം ശിവശങ്കറിനെ സസ്പെന്ഡ് ചെയ്ത വിഷയത്തിലും രൂക്ഷ വിമർശനവുമായി കോണ്ഗ്രസ് നേതാവും എം.എല്.എയുമായ വി.ടി ബല്റാം രംഗത്ത്. തന്റെ ഫേസ്ബുക്ക് പേജിലൂടെയാണ് അദ്ദേഹം വിമർശനം രേഖപ്പെടുത്തിയത്. ‘ രണ്ടു പേരും പുറത്തേക്ക്, എന്തൊരു നാണംകെട്ട ഭരണമാണിവിടെ ! എന്നാണ് ഫേസ്ബുക്ക് പോസ്റ്റിലൂടെ വി ടി ബൽറാം ചോദിക്കുന്നത്.
കുഞ്ഞുങ്ങളോട് എന്തേ സർക്കാരിനിത്ര പക?’; പാലത്തായി കേസില് വിമര്ശനമുന്നയിച്ച് പി.കെ ഫിറോസ്
കുട്ടികളെ അധ്യാപകൻ ശാരീരികമായി ഉപദ്രവിച്ചെന്ന് ക്രൈം ബ്രാഞ്ച് കണ്ടെത്തിയിരുന്നു. എന്നാൽ പോക്സോ ആക്ട് ചുമത്താത്തതിനെതിരെ വലിയ വിമര്ശനം ഉയര്ന്നിരുന്നു. ഇത് പ്രതിയെ രക്ഷപ്പെടുത്തുന്നതിനുള്ള ശ്രമമാണെന്ന ആക്ഷേപം നിലനില്ക്കെയാണ് ഇന്ന് വൈകിട്ട് തലശേരി പോക്സോ കോടതി പ്രതി പത്മരാജന് ജാമ്യം നല്കിയത്. സിവിൽ സർവീസ് ഉദ്യോഗസ്ഥൻ പാലിക്കേണ്ട ചട്ടങ്ങള് ലംഘിച്ചു എന്ന കണ്ടെത്തലിന്റെ അടിസ്ഥാനത്തിലാണ് ശിവശങ്കറിനെതിരെ മുഖ്യമന്ത്രി നടപടിയെടുത്തത്. ചീഫ് സെക്രട്ടറിയുടെ റിപ്പോര്ട്ടിന്റെ അടിസ്ഥാനത്തിലാണ് മുഖ്യമന്ത്രിയുടെ നടപടി.
https://www.facebook.com/vtbalram/posts/10157826086714139
പ്രതികരിക്കാൻ ഇവിടെ എഴുതുക