കോഴിക്കോട് ജില്ലയിലെ കക്കയം വനമേഖലയിലുണ്ടായ ഉരുൾപ്പൊട്ടലിനെ തുടർന്ന് ഒന്പത് കുടുംബങ്ങളെ മാറ്റിപ്പാര്പ്പിച്ചു. കനത്ത മഴയെത്തുടര്ന്നുണ്ടായ ഉരുള്പൊട്ടല് പ്രദേശത്ത് ആശങ്ക സൃഷ്ടിച്ചെങ്കിലും ആളപായമുണ്ടായിട്ടില്ല. കക്കയം ഒന്നാം പാലത്തിനടുത്തുള്ള ഒന്പത് കുടുംബങ്ങളെയാണ് ഇവിടെ നിന്ന് ബന്ധുവീടുകളിലേക്കു മാറ്റി പാര്പ്പിച്ചത്. ഇന്നലെ രാത്രി ഏറെ വൈകിയും ഇവിടെ കനത്ത മഴ തുടരുന്ന സാഹചര്യത്തിൽ അപകട ഭീഷണി നിലനിൽക്കുന്നുണ്ട്.
‘ദയവായി ഫോൺ വിളിക്കുമ്പോൾ ഉള്ള കൊറോണ സന്ദേശം കുറച്ചു നാളത്തേക്ക് ഒഴിവാക്കണം’ – ഷെയ്ൻ നിഗം
മണിക്കൂറില് 66 മില്ലിമീറ്റര് മഴയാണ് ഇവിടെ ലഭിച്ചുകൊണ്ടിരിക്കുന്നത്. അതേസമയം, കക്കയം പുഴയിൽ ജലനിരപ്പ് ഉയർന്നിട്ടുണ്ട്. ഡാം സൈറ്റിലേക്കുള്ള റോഡും പാലവും തകരുകയും വൈദ്യുതി വിതരണവും തകരാറിലായിരിക്കുകയുമാണ്. കോഴിക്കോട് വാണിമേൽ, വിലങ്ങാട്, മരുതോങ്കര മേഖലകളിൽ മൂന്ന് മണിക്കൂറായി ശക്തമായ മഴ തുടരുകയാണ്. നിരവധി വീടുകളിൽ വെള്ളം കയറുകയും ചെയ്തു.
പ്രതികരിക്കാൻ ഇവിടെ എഴുതുക