കരിപ്പൂര് വിമാനാപകടത്തില് മരിച്ചവര്ക്ക് അനുശോചനമറിയിച്ച് മുന് ക്രിക്കറ്റ് താരം സച്ചിന് ടെണ്ടുല്ക്കറും ഇന്ത്യന് ക്യാപ്റ്റന് വിരാട് കോലിയും രോഹിത് ശര്മ്മയും. പരിക്കേറ്റവര്ക്കായി പ്രാര്ത്ഥിക്കുന്നെന്നും മരിച്ചവരുടെ കുടുംബാംഗങ്ങളെ അനുശോചനമറിയിക്കുന്നെന്നും സച്ചിന് ട്വീറ്റ് ചെയ്തു. പരിക്കേറ്റവര്ക്കുവേണ്ടി പ്രാര്ത്ഥിക്കുന്നുവെന്നും വിരാട് കോലിയും ട്വീറ്റ് ചെയ്തു.
സംഭവം ഞെട്ടിക്കുന്നതാണെന്നും യാത്രക്കാര്ക്കും വിമാനത്തിലെ ജീവനക്കാര്ക്കുമായി പ്രാര്ത്ഥിക്കുന്നുവെന്ന് രോഹിത്ത് ശര്മ്മയും ട്വീറ്റ് ചെയ്തു. ഇന്നലെ രാത്രി 7 .45 ഓടെയാണ് കരിപ്പൂര് വിമാനത്താവളത്തില് അപകടമുണ്ടായത്. ജീവനക്കാരടക്കം 190 പേരുമായി ദുബായിയില് നിന്നെത്തിയ എയര് ഇന്ത്യ വിമാനമാണ് ഇറങ്ങുന്നതിനിടെ അപകടത്തില്പ്പെട്ടത്. അപകടത്തില് പൈലറ്റുള്പ്പെടെ 18 പേര് മരിക്കുകയും നിരവധിപ്പേര്ക്ക് പരിക്കേല്ക്കുകയും ചെയ്തു.
Praying for the safety of everyone onboard the #AirIndia Express Aircraft that’s overshot the runway at Kozhikode Airport, Kerala.
Deepest condolences to the families who have lost their near ones in this tragic accident.— Sachin Tendulkar (@sachin_rt) August 7, 2020
വിമാനത്താവളത്തിലെത്തിയ എയർ ഇന്ത്യ എക്സ്പ്രസ് വിമാനം റൺവേയിൽ നിന്ന് തെന്നിമാറിയായിരുന്നു അപകടം സംഭവിച്ചത്. പരിക്കേറ്റവരിൽ പതിനഞ്ചോളം പേരുടെ നില ഗുരുതരമാണെന്നും സൂചനയുണ്ട്. അതേസമയം വ്യോമയാന മന്ത്രാലയം അന്വഷണത്തിനു ഉത്തരവിട്ടിട്ടുണ്ട്.
പ്രതികരിക്കാൻ ഇവിടെ എഴുതുക