മുന് രാഷ്ട്രപതി പ്രണബ് മുഖര്ജിയുടെ ആരോഗ്യ സൗഖ്യത്തിനായി പ്രാർത്ഥനയുമായി മകള് ശര്മിഷ്ഠ മുഖര്ജി. കോവിഡ് സ്ഥിരീകരിച്ചതിനെ തുടർന്ന് അദ്ദേഹം ചികിത്സയിലായിരുന്നു. തലച്ചോറിലെ രക്തസ്രാവത്തെ തുടർന്ന് ശസ്ത്രക്രിയ വേണമെന്നും നില ഗുരുതരമായി തുടരുകയാണെന്നും റിപ്പോർട്ടുകൾ വന്നിരുന്നു.
‘കഴിഞ്ഞ വര്ഷം ഓഗസ്റ്റ് എട്ടിന് എന്റെ ജീവിതത്തിലെ ഏറ്റവും സന്തോഷകരമായ ദിവസമായിരുന്നു. അന്നാണ് അച്ഛന് ഭാരത് രത്ന പുരസ്കാരം ലഭിച്ചത്. കൃത്യം ഒരു വര്ഷത്തിനിപ്പുറം അദ്ദേഹം ഗുരുതര അവസ്ഥയിലായിരിക്കുകയാണ്. അദ്ദേഹത്തിന് നല്ലത് എന്താണോ അത് ദൈവം ചെയ്യട്ടെ. സന്തോഷവും സങ്കടങ്ങളും സ്വീകരിക്കാനുള്ള ശക്തിയും ഞങ്ങള്ക്ക് നല്കട്ടെ. അദ്ദേഹത്തിന്റെ ആരോഗ്യനിലയില് ആശങ്ക അറിയിച്ച എല്ലാവരോടും ആത്മാര്ത്ഥമായി നന്ദി പറയുന്നു”, ശര്മിഷ്ഠ മുഖര്ജി ട്വീറ്റ് ചെയ്തു.
കൊവിഡ് പ്രതിരോധശേഷി കൂട്ടാന് ഈ ഭക്ഷണങ്ങള് കഴിക്കാം
പ്രണബ് മുഖര്ജിയുടെ ആരോഗ്യനില അതീവ ഗുരുതരമായി തുടരുകയാണ്. തലച്ചോറില് രക്തം കട്ടപിടിച്ചത് കഴിഞ്ഞ ദിവസം വിജയകരമായി നീക്കിയിരുന്നു. തുടര്ന്ന് വെന്റിലേറ്ററിലേക്കു മാറ്റിയ അദ്ദേഹത്തിന്റെ ആരോഗ്യ നിലയില് പുരോഗതിയില്ലെന്നാണു മെഡിക്കല് ബുള്ളറ്റിന് സൂചിപ്പിക്കുന്നത്. ഡല്ഹിയിലെ സൈനിക റിസര്ച്ച് ആന്ഡ് റഫറല് ആശുപത്രിയിലെ തീവ്രപരിചരണ വിഭാഗത്തിലാണ് അദ്ദേഹം കഴിയുന്നത്.
Last year 8August was 1 of d happiest day 4 me as my dad received Bharat Ratna.Exactly a year later on 10Aug he fell critically ill. May God do whatever is best 4 him & give me strength 2 accept both joys & sorrows of life with equanimity. I sincerely thank all 4 their concerns🙏
— Sharmistha Mukherjee (@Sharmistha_GK) August 12, 2020
പ്രതികരിക്കാൻ ഇവിടെ എഴുതുക