ന്യൂഡല്ഹി: രാജ്യസഭാംഗവും കര്ണാടക ബി.ജെ.പി നേതാവുമായ അശോക് ഗസതി കൊവിഡ് ബാധിച്ച് മരിച്ചു. 55 വയസായിരുന്നു. ബംഗളൂരുവിലെ ആശുപത്രിയില് ചികിത്സയില് ഇരിക്കെയാണ് മരണം. രാജ്യത്ത് കൊവിഡ് ബാധിച്ച് മരിക്കുന്ന രണ്ടാമത്തെ എം.പിയാണ് അശോക് ഗസ്തി.
കൊറോണ വൈറസ് പോസിറ്റീവ് സ്ഥിരീകരിച്ചതിനെ തുടര്ന്ന് എം.പിയെ സെപ്തംബര് 2ന് ബംഗളൂരുവിലെ മണിപ്പാല് ആശുപത്രിയില് പ്രവേശിപ്പിച്ചിരുന്നു.
കഴിഞ്ഞ ജൂണില് നടന്ന തിരഞ്ഞെടുപ്പിലാണ് ഗസ്തി രാജ്യസഭയിലേക്ക് തിരഞ്ഞെടുക്കപ്പെട്ടത്. കൊവിഡ് സ്ഥിരീകരിച്ചതിന് ശേഷം ഗസ്തിയുടെ ആരോഗ്യ അവസ്ഥ വളരെ മോശം സ്ഥിതിയിലായിരുന്നുവെന്ന് അടുത്ത വൃത്തങ്ങള് അറിയിച്ചു.
പ്രതികരിക്കാൻ ഇവിടെ എഴുതുക