സംസ്ഥാനത്ത് കാണപ്പെട്ട പുതിയ ജനുസില്പ്പെട്ട മലമ്പനി യഥാസമയം കണ്ടെത്തി ചികിത്സിക്കാനായതിനാല് മറ്റുള്ളവരിലേക്ക് പകരാതെ തടയാനായെന്ന് ആരോഗ്യ വകുപ്പ് മന്ത്രി കെ.കെ. ശൈലജ പറഞ്ഞു. പ്ലാസ്മോഡിയം ഓവേല് ജനുസില്പ്പെട്ട മലമ്പനി കണ്ടെത്തിയത്, മലമ്പനി രോഗ ലക്ഷണങ്ങളുമായി കണ്ണൂര് ജില്ലാ ആശുപത്രിയില് ചികിത്സയ്ക്കെത്തിയ ജവാനിലാണ്. ഉടന് തന്നെ മാര്ഗരേഖ പ്രകാരമുള്ള സമ്പൂര്ണ ചികിത്സ ലഭ്യമാക്കുകയും പ്രതിരോധ പ്രവര്ത്തനങ്ങള് ഈര്ജിതമാക്കുകയും ചെയ്തതിനാല് രോഗം മറ്റുള്ളവരിലേക്ക് വ്യാപകമാകാതെ തടയുവാന് സാധിച്ചതായും മന്ത്രി അറിയിച്ചു.
ഫൈസര് കൊവിഡ് വാക്സിന് അമേരിക്കയും അനുമതി നല്കിയേക്കും
ആഫ്രിക്കയിലാണ് സാധാരണയായി പ്ലാസ്മോഡിയം ഓവേല് രോഗാണു പരത്തുന്ന മലമ്പനി റിപ്പോര്ട്ട് ചെയ്ത് വരുന്നത്. ഈ രോഗം സ്ഥിരീകരിച്ചത് സുഡാനില് നിന്ന് കേരളത്തില് എത്തിയ ജവാനിലാണ്. ഓവേല് കാരണമാകുന്ന മലമ്പനി ഫാല്സിപ്പാരം മലമ്പനിയുടെ അത്ര മാരകമല്ല. ഓവേല് കാരണമാകുന്ന മലമ്പനിക്കും നല്കുന്നത്മറ്റ് മലമ്പനി രോഗങ്ങള്ക്ക് സമാനമായ ചികിത്സയാണ്. ഇത്തരം ജനുസില്പ്പെട്ട മലമ്പനി റിപ്പോര്ട്ട് ചെയ്യുന്നത് കേരളത്തില് അപൂര്വമാണ്.സംസ്ഥാനത്ത് മലമ്പനിക്ക് കാരണമായി കണ്ടുവരുന്നത് പൊതുവെ വെവാക്സ്, ഫാല്സിപ്പാറം എന്നീ രോഗാണുക്കളാണ് .
പ്രതികരിക്കാൻ ഇവിടെ എഴുതുക