സുഗത കുമാരി ടീച്ചറുടെ നിര്യാണത്തില് ആരോഗ്യ വകുപ്പ് മന്ത്രി കെ.കെ. ശൈലജ അനുശോചനം രേഖപ്പെടുത്തി. തന്നെ സംബന്ധിച്ചടത്തോളം മാതൃസദൃശമായ സ്നേഹം ടീച്ചറില് നിന്നും ലഭ്യമായിരുന്നുവെന്ന് മന്ത്രി കെ.കെ. ശൈലജവ്യക്തമാക്കി. പെറ്റമ്മയുടെ വേര്പാടുപോലെ വലിയ സങ്കടകരമായ ഒന്നാണ് സുഗതകുമാരി ടീച്ചറിന്റെ വേര്പാട്.
കുറച്ചുനാള് മുന്പേ ചില അംഗീകാരങ്ങളില് അഭിനന്ദനങ്ങള് പറയുന്നതിന് വേണ്ടി ടീച്ചര് വിളിച്ചിരുന്നുവെന്നും മാനസികമായി എപ്പോഴും കൂടെയുണ്ടെന്നും യാത്ര ചെയ്യാനുള്ള ബുദ്ധിമുട്ടുള്ളതുകൊണ്ട് നേരില് കാണാന് കഴിയില്ലെന്നും അവര് പറഞ്ഞു. ഞാന് നേരിട്ട് ടീച്ചറിനെ വന്ന് കാണാത്തത് കൊവിഡ് പ്രോട്ടോകോള് പാലിക്കേണ്ടതു കൊണ്ടാണെന്ന് ടീച്ചറിനോടും പറഞ്ഞു.
രോഗബാധിതയായതിന് ശേഷം ചികിത്സിച്ച് അവരെ ജീവിതത്തിലേക്ക് തിരികെ കൊണ്ടുവരാന് മെഡിക്കല് കോളജിലെ ഡോക്ടര്മാരുടെ ടീം കിണഞ്ഞ് പരിശ്രമിച്ചിരുന്നുവെന്നും പക്ഷെ ടീച്ചര് നമ്മെ വിട്ടുപിരിഞ്ഞുവെന്നും കേരളത്തിന് മാത്രമല്ല ഈ ലോകത്തിന് തന്നെ പ്രിയങ്കരിയായി മാറിയിട്ടുള്ള സുഗതകുമാരി ടീച്ചറിനെ ഒരിക്കലും മറക്കാന് കഴിയില്ലെന്നും കൂടാതെ അഭയിലൂടെയും മറ്റ് നിരവധി പ്രവര്ത്തനങ്ങളിലൂടെയും അശരണരുടെ രക്ഷയ്ക്കെത്താന് ടീച്ചര് എപ്പോഴും പരിശ്രമിച്ചിരുന്നുവെന്നും കെ.കെ. ശൈലജ പറഞ്ഞു.
പ്രതികരിക്കാൻ ഇവിടെ എഴുതുക