ദുബായ്: കോവിഡ് വാക്സിനുകളിൽ പോർക്ക് ജെലാറ്റിൻ അടങ്ങിയിട്ടുണ്ടെങ്കിലും മുസ്ലീങ്ങൾക്ക് അനുവദനീയമാണെന്ന് യു. എ.ഇ ഫത്വ കൗൺസിൽ. യുണൈറ്റഡ് അറബ് എമിറേറ്റ്സിന്റെ പരമോന്നത ഇസ്ലാമിക അതോറിറ്റിയാണ് യു. എ. ഇ ഫത്വ കൗൺസിൽ.
സാധാരണ വാക്സിനുകളിൽ ഒരു ഘടകമായി പോർക്ക് ജെലാറ്റിൻ ഉപയോഗിക്കാറുണ്ട്. ഇസ്ലാമിൽ പന്നിമാംസം ഹറാമാണ്. ഇത് വാക്സിൻ സ്വീകരിക്കുന്നതിന് തടസമാകരുതെന്ന് കരുതിയാണ് യു. എ. ഇ ഫത്വ കൗൺസിലിന്റെ നടപടി.
ബദലുകളൊന്നുമില്ലെങ്കിൽ, കൊറോണ വൈറസ് വാക്സിനുകളിലെ പോർക്ക് ജെലാറ്റിൻ ഇസ്ലാമിലെ നിയന്ത്രണങ്ങൾക്ക് വിധേയമാകില്ലെന്ന് കൗൺസിൽ ചെയർമാൻ ഷെയ്ഖ് അബ്ദുല്ല ബിൻ ബയ്യ പറഞ്ഞു.
മനുഷ്യശരീരത്തെ സംരക്ഷിക്കേണ്ട ആവശ്യമാണ് പ്രധാനമെന്നും അദ്ദേഹം വ്യക്തമാക്കി. ഇത്തരം ഒരു സാഹചര്യത്തിൽ പോർക്ക് ജെലാറ്റിൻ മരുന്നായിട്ടാണ് കണക്കാക്കുന്നത്, ഭക്ഷണമായിട്ടല്ലെന്നും അദ്ദേഹം കൂട്ടിച്ചേർത്തു.
പ്രതികരിക്കാൻ ഇവിടെ എഴുതുക