രണ്ടില ചിഹ്നം ജോസ് കെ. മാണി വിഭാഗത്തിന് അനുവദിച്ച നടപടി ചോദ്യം ചെയ്ത് ജോസഫ് വിഭാഗം സമര്പ്പിച്ച ഹര്ജി സുപ്രിംകോടതി തള്ളിയെന്ന് റിപ്പോർട്ട്. ഹൈക്കോടതി വിധിയില് ഇടപെടാനില്ലെന്ന് ചീഫ് ജസ്റ്റിസ് എസ്.എ. ബോബ്ഡെ അധ്യക്ഷനായ ബെഞ്ച് പറഞ്ഞു. എന്നാൽ തെരഞ്ഞടുപ്പ് കമ്മീഷന് രേഖകള് പരിശോധിച്ചില്ലെന്ന ജോസഫ് വിഭാഗത്തിന്റെ വാദം സുപ്രിംകോടതി പരിഗണിച്ചില്ല.
തെരഞ്ഞെടുപ്പ് കമ്മീഷന് കൃത്യമായി പ്രവര്ത്തിച്ചുവെന്ന് ഉറപ്പാക്കാനുള്ള ഉത്തരവാദിത്വം ഹൈക്കോടതി നിര്വഹിച്ചില്ലെന്നാണ് പി.ജെ.ജോസഫ് വിഭാഗം സുപ്രിംകോടതിയില് വാദിച്ചത്. തെരഞ്ഞെടുപ്പ് കമ്മീഷന് രേഖകള് പരിശോധിക്കാതെയാണ് രണ്ടില ചിഹ്നം ജോസ് കെ. മാണിക്ക് അനുവദിച്ചതെന്നും ജോസഫ് വിഭാഗം സുപ്രിംകോടതിയില് അറിയിച്ചു. എന്നാല് ഹൈക്കോടതി വിധിയില് ഇടപെടാനില്ലെന്ന് സുപ്രിംകോടതി അറിയിച്ചു. ജേസഫ് വിഭാഗത്തിന്റെ വാദമുഖങ്ങളെ സുപ്രിംകോടതി തള്ളുകയും ചെയ്തു.
പ്രതികരിക്കാൻ ഇവിടെ എഴുതുക