തിരുവനന്തപുരം : ഒരൊറ്റ ചിത്രത്തിലൂടെ തന്നെ മലയാളികളുടെ പ്രിയപ്പെട്ട താരമായി മാറിയ നടനാണ് അരവിന്ദ് ആകാശ്.
മലയാളികൾക്കിന്നും നന്ദനത്തിലെ ‘കള്ളക്കണ്ണനാണ് താരം. രഞ്ജിത്ത് സംവിധാനം ചെയ്ത നന്ദനം എന്ന ചിത്രത്തിലെ കൃഷ്ണന്റെ കഥാപാത്രം മതി അരവിന്ദ് ആകാശിനെ മലയാളികള് എന്നും ഓര്ത്തിരിക്കാന്.
നിരവധി ചിത്രങ്ങളിൽ താരം അഭിനയിച്ചിട്ടുണ്ടെങ്കിലും നന്ദനത്തിലെ കഥാപാത്രത്തോളം മലയാളികള് നെഞ്ചിലേറ്റിയ മറ്റൊരു കഥാപാത്രവും ഇല്ല.
പഴയകാല ഓർമ്മകൾ താരം ഇടയ്ക്കിടയ്ക്ക് സമൂഹമാധ്യമങ്ങൾ വഴി പങ്കുവക്കാറുണ്ട്. ഇപ്പോൾ പങ്കുവെച്ചിരിക്കുന്ന ഒരു ഓര്മ്മ ചിത്രമാണ് വൈറലായി മാറിയിരിക്കുന്നത്. തമിഴ് താരം അരവിന്ദ് സാമിക്കൊപ്പമുള്ള ഒരു പഴയകാല ചിത്രമാണ് താരം പങ്കുവച്ചിരിക്കുന്നത്.
പഞ്ചാബ് സ്വദേശിയായ അരവിന്ദന്റെ അമ്മ തമിഴ് സിനിമകളിലെ ഡാന്സറായിരുന്നതിനാല് കുടുംബം ചെന്നൈയിലേക്ക് താമസം മാറി. അമ്മ വഴി ഡാന്സിലേക്കും അതിലൂടെ സിനിമയിലേക്കും താരം എത്തിപ്പെടുകയായിരുന്നു.
പടയപ്പ എന്ന ചിത്രത്തില് ഒരു ഡാന്സറായി തുടക്കം കുറിച്ച അരവിന്ദ് പിന്നീട് ഹേ റാം, ഉയിരിലെ കലന്തത് തുടങ്ങിയ ചിത്രങ്ങളിലും അഭിനയിച്ചു. നളചരിതം നാലാം ദിവസം എന്ന ചിത്രത്തിലൂടെ മലയാളത്തിലും തുടക്കംകുറിച്ചു. പിന്നീട് നന്ദനം ഉള്പ്പടെ മലയാളത്തിലും തമിഴിലുമായി നിരവധി ചിത്രങ്ങളില് അരവിന്ദ് അഭിനയിച്ചിട്ടുണ്ട്.
പ്രതികരിക്കാൻ ഇവിടെ എഴുതുക