ജമ്മു: അൻപത് ദിവസം കൊണ്ട് 4,300 കിലോമീറ്റർ കാൽനട യാത്ര ചെയ്ത് ഗിന്നസ്ബുക്കിൽ ഇടംനേടാൻ ഒരുങ്ങി ജവാൻ. കരസേനയിലെ സൈനീകനായ നായ്ക് വേലുവാണ് അൻപത് ദിവസം കൊണ്ട് കശ്മീർ മുതൽ കന്യാകുമാരി വരെ ഓടിയെത്തിയത്. ദിവസേന 70 മുതൽ 100 കിലോമീറ്റർ വരെ യാത്ര ചെയ്താണ് അദ്ദേഹം 4,300 കിലോമീറ്റർ ദൂരം താണ്ടിയത്.
നിരവധി അൾട്രാ മാരത്തണുകളിൽ വിജയം നേടിയിട്ടുള്ള ആളാണ് നായിക് വേലു പി. ടഫ്മാൻ റൺസ്, സ്റ്റേഡിയം റൺസ് തുടങ്ങിയ മാരത്തോണുകൾ ഇതിൽ ഉൾപ്പെടും.
ഇത്തവണ വേലു പിയുടെ ലക്ഷ്യം ഗിന്നസ് റെക്കോർഡ് മാത്രമല്ല. “ക്ലീൻ ഇന്ത്യ-ഗ്രീൻ ഇന്ത്യ” എന്ന സന്ദേശവുമായാണ് അദ്ദേഹം യാത്ര ചെയ്യുന്നത്. ഇതിനൊപ്പം മറ്റൊരു ലക്ഷ്യം കൂടി വെലുവിനുണ്ട് “ഫിറ്റ് ഇന്ത്യ” ദൗത്യത്തിൽ ശക്തമായ സംഭാവന നൽകാൻ യുവാക്കൾക്ക് പ്രചോദനമാവുക എന്നതാണ് അത്.
ജമ്മുവിലെ 166 മിലിട്ടറി ഹോസ്പിറ്റലിലെ കമാൻഡന്റ് ബ്രിഗേഡിയർ കെ ജെ സിങ്ങ് വേലു പിയുടെ യാത്രയ്ക്ക് ഫ്ലാഗ് ഓഫ് ചെയ്തു
പ്രതികരിക്കാൻ ഇവിടെ എഴുതുക