പ്രേക്ഷകര് ആകാംക്ഷയോടെ കാത്തിരിക്കുന്ന സുരേഷ് ഗോപിയുടെ ചിത്രം കാവലിന്റെ ഫസ്റ്റ് ലുക്ക് പോസ്റ്റര് എത്തി. സുരേഷ് ഗോപി തന്റെ ഫേസ്ബുക്ക് പേജിലൂടെയാണ് പോസ്റ്റര് പുറത്ത് വിട്ടത്. ലോകമെമ്പാടുമുള്ള എല്ലാ മലയാളികൾക്കും വിഷു ആശംസകൾ നേര്ന്നു കൊണ്ടാണ് താരം പോസ്റ്റര് പുറത്ത് വിട്ടത്.
സിനിമയുടെ ചിത്രീകരണം കഴിഞ്ഞ വര്ഷം അവസാനം പൂര്ത്തിയാക്കിയിരുന്നു. സിനിമ തീയേറ്ററുകളില് തന്നെ റിലീസ് ചെയ്യുമെന്ന് അണിയറ പ്രവര്ത്തകര് നേരത്തെ അറിയിച്ചിരുന്നു. ജൂലൈയ് രണ്ടിന് സിനിമ തീയറ്ററുകളില് റിലീസ് ചെയ്യുമെന്നാണ് നേരത്തെ സുരേഷ് ഗോപി അറിയിച്ചത്.
കസബയ്ക്ക് ശേഷം നിതിന് രഞ്ജി പണിക്കര് സംവിധാനം ചെയ്യുന്ന ചിത്രമാണിത്. ഹൈറേഞ്ച് പശ്ചാത്തലത്തില് രണ്ടു കാലഘട്ടത്തിന്റെ കഥ ദൃശ്യവല്ക്കരിക്കുന്ന ഈ ചിത്രം ഒരു ആക്ഷന് ഫാമിലി ഡ്രാമ ആയിരിക്കും.
ചിത്രത്തില് സുരേഷ് ഗോപിക്കൊപ്പം സയാ ഡേവിഡ്, ഐ എം വിജയന്, അലന്സിയര്, പത്മരാജ് രതീഷ്, സുജിത് ശങ്കര്, സന്തോഷ് കീഴാറ്റൂര്, കിച്ചു ടെല്ലസ്, ബിനു പപ്പു, മോഹന് ജോസ്, കണ്ണന് രാജന് പി ദേവ്, മുരുകന്, മുത്തുമണി തുടങ്ങിയവരും പ്രധാന വേഷത്തിലെത്തുന്നുണ്ട്.
പ്രതികരിക്കാൻ ഇവിടെ എഴുതുക