കോട്ടയം: കോട്ടയം ജനറല് ആശുപത്രിയില് ഒറ്റ ദിവസം കൊണ്ട് 15 പേര് കോവിഡ് ബാധിച്ചു മരിച്ചെന്ന് വാട്സാപ്പിലൂടെ വ്യാജപ്രചാരണം നടത്തിയ യുവാവ് അറസ്റ്റില്. കടുത്തുരുത്തി വെള്ളാശ്ശേരി കുന്നത്ത് ഹൗസില് ഗോപു രാജന് (29 ) ആണ് അറസ്റ്റിലായതെന്ന് ജില്ലാ പോലീസ് മേധാവി ഡി .ശില്പ ദേവയ്യ അറിയിച്ചു.
ഇയാള് കടുത്തുരുത്തി സിഎഫ്എല്ടിസിയിലെ വോളന്റീയര് ആയി പ്രവര്ത്തിച്ചു വരികയാണ്. ഏപ്രില് 29 മുതലാണ് വാട്സാപ്പില് ഓഡിയോ സന്ദേശം വന്നത്. നന്പന് എന്ന വാട്സാപ്പ് ഗ്രൂപ്പ് വഴിയാണ് വ്യാജവാര്ത്ത പ്രചരിപ്പിച്ചത്. പോലീസ് കേസ് എടുത്തത് അറിഞ്ഞ് ഇയാള് ഫോണ് സ്വിച്ച് ഓഫ് ചെയ്ത ശേഷം ജോലിക്ക് ഹാജരാകാതെ മാറിനില്ക്കുകയായിരുന്നു.
അതേസമയം, കൊവിഡ് പ്രതിരോധത്തിനിടെ വ്യാജസന്ദേശങ്ങള് പ്രചരിപ്പിക്കുന്നവര്ക്കെതിരെ കര്ശനനടപടി സ്വീകരിക്കുമെന്ന് മുഖ്യമന്ത്രി പിണറായി വിജയന് അറിയിച്ചു.
പ്രതികരിക്കാൻ ഇവിടെ എഴുതുക