യാസ് ചുഴലിക്കാറ്റ് ഇന്ന് തീരം തൊടാൻ സാധ്യത. യാസ് ഏറ്റവുമധികം നാശം വിതയ്ക്കാൻ സാധ്യതയുള്ള ബംഗാളിലും ഒഡീഷയിലും അതീവ ജാഗ്രത നിർദേശം നൽകിയിട്ടുണ്ട്. സംസ്ഥാനങ്ങളിലെ പ്രദേശങ്ങളില്നിന്ന് 10 ലക്ഷത്തിലധികം പേരെ മാറ്റിപാർപ്പിച്ചിട്ടുണ്ട്. മാത്രമല്ല, ജാര്ഖണ്ഡിലും അടിയന്തര സാഹചര്യം നേരിടാനുള്ള മുന്നൊരുക്കം പൂര്ത്തിയായിട്ടുണ്ട്.
അപകട മുന്നറിയിപ്പുള്ള സംസ്ഥാനങ്ങളിൽ രക്ഷാപ്രവര്ത്തനവും ദുരന്ത നിവാരണ പ്രവര്ത്തനങ്ങളും ഏകോപിപ്പിക്കാന് 74,000ത്തിലധികം ഓഫീസര്മാരെയും ജീവനക്കാരെയുമാണ് വിന്യസിച്ചിട്ടുള്ളത്. ഒഡിഷയിലെ അഞ്ച് ജില്ലകളില് ഇന്ന് റെഡ് അലേർട്ട് പ്രഖ്യാപിച്ചിട്ടുണ്ട്. ഉച്ചയോടെ കാറ്റ് കരതൊടും. അതേസമയം, ഭുവനേശ്വര് വിമാനത്താവളം വ്യാഴാഴ്ച വൈകിട്ട് അഞ്ചുമണി വരെ അടച്ചിടും. കൊല്ക്കത്ത വിമാനത്താവളം ഇന്ന് രാവിലെ എട്ടര മുതല് വൈകിട്ട് ഏഴേമുക്കാല് വരെ പ്രവര്ത്തിക്കില്ല എന്നും അറിയിച്ചിട്ടുണ്ട്.
മാത്രമല്ല, കാറ്റിന്റെ സഞ്ചാര പാതയില് കേരളം ഇല്ലെങ്കിലും സംസ്ഥാനത്ത് ഇന്ന് ശക്തമായ മഴയ്ക്ക് സാധ്യതയുണ്ട്. ഒറ്റപ്പെട്ട ഇടങ്ങളില് 40 കി.മി വേഗതയില് കാറ്റ് വീശാനും ഇടിമിന്നലിനും സാധ്യതയുണ്ടെന്നും മുന്നറിയിപ്പുണ്ട്.
പ്രതികരിക്കാൻ ഇവിടെ എഴുതുക