സംസ്ഥാനത്ത് വീണ്ടും ഓപ്പറേഷന് പി-ഹണ്ട്. ഓണ്ലൈനില് കുട്ടികളുടെ അശ്ലീലചിത്രങ്ങള് കാണുന്നവര്ക്കെതിരേയും ഇത്തരം ദൃശ്യങ്ങള് പങ്കുവെച്ചവര്ക്കെതിരേയുമാണ് പോലീസ് നടപടി . കണ്ണൂര്, മലപ്പുറം, ഇടുക്കി, തൃശ്ശൂര് ജില്ലകളിലെ വിവിധ പോലീസ് സ്റ്റേഷന് പരിധികളിലായി ഒട്ടേറേ കേസുകളും രജിസ്റ്റര് ചെയ്തു. നിരവധി മൊബൈല് ഫോണുകളും പിടിച്ചെടുത്തിട്ടുണ്ട്. കണ്ണൂരില് 25 പേര്ക്കെതിരേ കേസെടുത്തു. ഇവരുടെ മൊബൈലുകളും അനുബന്ധ ഉപകരണങ്ങളും പിടിച്ചെടുത്തു.
ഞായറാഴ്ച രാവിലെമുതലായിരുന്നു റെയ്ഡ്. പയ്യന്നൂര്, പരിയാരം, കണ്ണൂര് ടൗണ് തുടങ്ങിയ പോലീസ് സ്റ്റേഷന് പരിധിയില് ഒന്നിലേറെ കേസുകളെത്തിട്ടുണ്ട്. തളിപ്പറമ്പ്, ധര്മടം, പാനൂര്, കൊളവല്ലൂര്, വളപട്ടണം, കുടിയാന്മല, പിണറായി, ചക്കരക്കല്ല്, മയ്യില്, എടക്കാട്, പേരാവൂര് തുടങ്ങിയ സ്റ്റേഷന് പരിധികളില് ഓരോ കേസ് വീതെമെടുത്തു. സംശയകരമായ സാഹചര്യത്തില് കണ്ടെത്തുന്ന സാമഗ്രികള് പിടിച്ചെടുക്കാന് അനുവദിക്കുന്ന കുറ്റകൃത്യ നിയമം 102-ാം വകുപ്പ് പ്രകാരമാണ് ഫോണുകള് പിടിച്ചത്.
മലപ്പുറത്ത് ബംഗാൾ സ്വദേശിയുൾപ്പെടെ രണ്ട് പേരാണ് അറസ്റ്റിലായത്. അശ്ലീലവീഡിയോ ഡൗണ്ലോഡുചെയ്ത് മൊബൈല്ഫോണില് സൂക്ഷിച്ച യുവാവിനെ തിരൂരങ്ങാടി പോലീസ് അറസ്റ്റുചെയ്തു. മമ്പുറം സ്വദേശി തൊണ്ടിക്കോടന് മുഹമ്മദ് ഫവാസ് (22) ആണ് അറസ്റ്റിലായത്. രഹസ്യവിവരം ലഭിച്ചതിന്റെ അടിസ്ഥാനത്തില് പോലീസ് നടത്തിയ പരിശോധനയിലാണ് യുവാവിന്റെ മൊബൈലില്നിന്ന് കുട്ടികളുടെ അശ്ലീലവീഡിയോ കണ്ടെത്തിയത്. മറ്റൊരു യുവാവിന്റെ മൊബൈല്ഫോണും പിടിച്ചെടുത്തിട്ടുണ്ട്. ബംഗാള് സ്വദേശി അറസ്റ്റില്. കുട്ടികളുടെ നഗ്നചിത്രങ്ങള് പ്രചരിപ്പിച്ചതിനും സാമൂഹികമാധ്യമങ്ങളിലൂടെ കണ്ടതിനും ഡൗണ്ലോഡ് ചെയ്തതിനും ചാവക്കാട് മേഖലയിലെ മൂന്ന് വീടുകളില് പോലീസിന്റെ മിന്നല്പരിശോധന നടത്തി. ഇടുക്കിയിലും രണ്ടുപേര്ക്കെതിരേ കേസെടുത്തു.
പ്രതികരിക്കാൻ ഇവിടെ എഴുതുക