മലപ്പുറം: ദൃശ്യയെ കുത്തിക്കൊലപ്പെടുത്തിയത് പ്രണയം നിരസിച്ചതിലുള്ള വൈരാഗ്യം മൂലമെന്ന് പൊലീസ്.
കൊലനടത്തിയത് പ്രതി തനിച്ചാണെന്നും പെണ്കുട്ടിയെ ശല്യം ചെയ്തിന് മൂന്ന് മാസം മുമ്പ് വിനീഷിനെ താക്കീത് ചെയ്തിരുന്നുവെന്നും മലപ്പുറം എസ് പി സുജിത് ദാസ് പറഞ്ഞു. പ്ലസ്ടുവില് ദൃശ്യയുടെ സഹപാഠിയായിരുന്നു വിനീഷ്.
കൊലപാതകം നടത്തിയത് ആസൂത്രിതമായാണെന്നും പൊലീസ് പറയുന്നു. പെണ്കുട്ടിയുടെ അച്ഛന്റെ കടയ്ക്ക് തീയിട്ട് നശിപ്പിച്ച് ശ്രദ്ധ തിരിച്ചാണ് പ്രതി കൃത്യം നടത്തിയത്.
കൊലപാതകത്തിനുശേഷം ഓട്ടോയിലേക്ക് ഓടിക്കയറി രക്ഷപെടാന് ശ്രമിച്ച വിനീഷിനെ ഓട്ടോ െ്രെഡവര് നേരെ പൊലീസ് സ്റ്റേഷനില് എത്തിക്കുകയായിരുന്നെന്നാണ് വിവരം
വീട്ടിനുള്ളില് അതിക്രമിച്ചു കയറിയാണ് 21 കാരനായ ബിനീഷ് യുവതിയെ കുത്തിക്കൊന്നത്. ഏലംകുളം എളാട് ചെമ്മാട്ട് വീട്ടില് സികെ ബാലചന്ദ്രന്റെ മകള് ദൃശ്യ ആണ് മരിച്ചത്. കുത്തേറ്റ സഹോദരി ദേവശ്രീ മൗലാന ആശുപത്രിയില് ചികിത്സയിലാണ്.
ബാലചന്ദ്രന്റെ ഉടമസ്ഥയിലുള്ള പെരിന്തല്മണ്ണയിലെ കളിപ്പാട്ട കടയില് ഇന്നലെ രാത്രി തീപിടിത്തമുണ്ടായിരുന്നു. ദൃശ്യയെ കുത്തുന്നത് കണ്ട് രക്ഷിക്കാന് ശ്രമിക്കുന്നതിനിടെയാണ് ദേവശ്രീക്ക് പരുക്കേറ്റത്.
പ്രതികരിക്കാൻ ഇവിടെ എഴുതുക