സംസ്ഥാനത്തെ പുതുക്കിയ കൊവിഡ് നിയന്ത്രണങ്ങള് ആരോഗ്യ മന്ത്രി വീണാ ജോര്ജ് സഭയില് പ്രഖ്യാപിച്ചു. ജനസംഖ്യയില് ആയിരം പേരില് എത്രപേര്ക്ക് രോഗം വരുന്നുവെന്നത് പരിഗണിച്ച് നിയന്ത്രണം കടുപ്പിക്കാനാണ് പുതിയ തീരുമാനം. രോഗവ്യാപനം തടയുന്നതിന് ആള്ക്കൂട്ടം തടയുക എന്നത് ഏറ്റവും പ്രധാനമാണ്. രാഷ്ട്രീയ സാമൂഹിക സാംസ്കാരിക കൂട്ടായ്മകള് ഉള്പ്പടെ ജനങ്ങള് കൂടുന്ന സംവിധാനം ഒഴിവാക്കുന്ന രീതി പൊതുവില് തുടരേണ്ടതുണ്ട്. ആരാധനാലയങ്ങളില് വിസ്തീര്ണ്ണം കണക്കാക്കി വേണം ആളുകളെ ഉള്ക്കൊള്ളിക്കേണ്ടതെന്നും മന്ത്രി വ്യക്തമാക്കി.
പുതുക്കിയ നിയന്ത്രണങ്ങൾ-
1. ആഴ്ചയില് ആറ് ദിവസവും കടകൾ തുറക്കാം. കടകള് രാവിലെ ഏഴ് മണി മുതല് രാത്രി ഒമ്പത് വരെ. ഞായറാഴ്ച മാത്രം ലോക്ഡൗണ്.
2. ആരാധനാലയങ്ങളില് പരമാവധി 40 പേര്ക്ക് പ്രവേശനം. കല്യാണങ്ങളിലും മരണാനന്തര ചടങ്ങുകളിലും പരമാവധി 20 പേര്ക്ക് പങ്കെടുക്കാം.
3. ഒരു പ്രദേശത്തെ ജനസംഖ്യയുടെ ആയിരം പേരില് പത്തില് കൂടുതല് പേര്ക്ക് രോഗമുണ്ടായാല് അവിടെ ട്രിപ്പില് ലോക്ക്ഡൗൺ.
4. സ്വാതന്ത്ര്യം ദിനം പ്രമാണിച്ച് ഞായറാഴ്ച ലോക്ഡൗണില് ഇളവ്.
5. ഓണത്തിന്റെ തിരക്ക് കണക്കിലെടുത്ത് 22-ാം തിയതി ലോക്ക്ഡൗണ് നിയന്ത്രണങ്ങള് ഒഴിവാക്കും
6. സാമൂഹിക അകലം പാലിക്കുന്നത് വ്യാപാര സ്ഥാപനങ്ങള് ഉറപ്പാക്കണം.
പ്രതികരിക്കാൻ ഇവിടെ എഴുതുക