ബഡായി ബംഗ്ലാവിന്റെ ഷൂട്ടിംഗ് ഏറെ വൈകി നടന്നപ്പോഴുണ്ടായ സംഭവം പറഞ്ഞ് നടി സൗമ്യ ഭാഗ്യനാഥ്. കോമഡി ഷോകളിലൂടെ ശ്രദ്ധേയായ താരമാണ് സൗമ്യ. ബിഹൈന്ഡ്വുഡ്സിന് നല്കിയ അഭിമുഖത്തിലാണ് ബഡായി ബംഗ്ലാവിലെ അനുഭവങ്ങള് താരം പങ്കുവച്ചത്.
തന്റെ വലിയൊരു സീന് ആയിരുന്നു അന്ന് എടുക്കാന് ഉണ്ടായിരുന്നത് എന്ന് സൗമ്യ പറയുന്നു. അന്ന് ഒരുപാട് രാത്രിയായി. മുകേഷേട്ടന് ഉണ്ട്, പിഷാരടി ഉണ്ട്. മുകേഷേട്ടനൊക്കെ ക്ഷീണിച്ച് ഇരിക്കുവാണ്. അന്ന് താന് സ്റ്റേജില് കയറിയപ്പോള് ഫസ്റ്റ് ടേക്ക് തന്നെ ഓകെയായി. എല്ലാവരും കൈയ്യടിച്ചു.
ഇതിന് സൗമ്യക്ക് വലിയൊരു കൈയ്യടി കൊടുക്കണമെന്ന് പിഷാരടി പറഞ്ഞു. അത് ജീവിതത്തില് തനിക്ക് വലിയ സന്തോഷം നല്കിയ അനുഭവമാണ് എന്ന് സൗമ്യ പറയുന്നു. താന് കോമഡി ഷോകളിലേക്ക് എത്തിയതിനെ കുറിച്ചും സൗമ്യ തുറന്നു പറഞ്ഞു. ഒരു റിസോര്ട്ടില് കുറെക്കാലം ഡാന്സറായി വര്ക്ക് ചെയ്തിരുന്നു.
അവിടെ ടൂറിസ്റ്റുകള്ക്ക് വേണ്ടി നൃത്തം അവതരിപ്പിക്കുകയായിരുന്നു ജോലി. നല്ല ശമ്പളം ലഭിച്ചതിനാല് കുറേക്കാലം അവിടെ നിന്നു. റിസോര്ട്ടില് ജോലി ചെയ്ത സമയത്താണ് കൗമുദി ടിവിയിലെ അളിയന്സ് ഷോയിലേക്ക് അവസരം ലഭിച്ചത് എന്നും സൗമ്യ വ്യക്തമാക്കി.
പ്രതികരിക്കാൻ ഇവിടെ എഴുതുക