നല്ല ആരോഗ്യത്തിനു നല്ല ഭക്ഷണം പ്രധാനമാണ്. ഇതു പോലെ ചില ഭക്ഷണങ്ങള് ആരോഗ്യം കളയുകയും ചെയ്യും. ആരോഗ്യകരമായ ചില ഭക്ഷണങ്ങള് അനാരോഗ്യകരമായി കഴിച്ചാല് അത് ശരീരത്തെ ദോഷകരമായി ബാധിയ്ക്കും. ചില ആരോഗ്യകരമായ ഭക്ഷണങ്ങള് ഒരുമിച്ചു ചേര്ത്ത് കഴിച്ചാല് ഗുണം ഇരട്ടി ലഭിയ്ക്കും.
ALSO READ:കൈകൾ എപ്പോഴും തണുത്ത പോലെ തോന്നാറുണ്ടോ? എങ്കിൽ ശ്രദ്ധിക്കുക
ഇത്തരത്തില് ഒന്നാണ് തൈരും തേനും. ആരോഗ്യപരമായ ഗുണങ്ങളാല് മികച്ചു നില്ക്കുന്നതാണ് തൈരും തേനും. ദൈനംദിന ആവശ്യങ്ങൾക്കുള്ള കാൽസ്യം 49%, ഫോസ്ഫറസ് 38%, മഗ്നീഷ്യം 12%, പൊട്ടാസ്യം 18% എന്നിവ ലഭിക്കുവാനായി ഒരു കപ്പ് തൈര് മാത്രം കഴിച്ചാൽ മതി.
CHECK HERE:അധികമായാല് ദോഷം! അറിയണം പപ്പായ കഴിക്കുന്നതിന്റെ ഗുണവും , ദോഷവും
വിറ്റാമിൻ ബി 12, റൈബോഫ്ലേവിൻ എന്നിവയും തൈരിൽ അടങ്ങിയിട്ടുണ്ട്. ഓരോ 200 ഗ്രാം തൈരിലും 12 ഗ്രാം പ്രോട്ടീൻ അടങ്ങിയിട്ടുണ്ട്. ആന്റി-ഇൻഫ്ലമേറ്ററി ഗുണങ്ങൾ തേനിൽ അടങ്ങിയിട്ടുണ്ട്. തേൻ ഒരു പ്രകൃതിദത്തമായ വാക്സിൻ ആണെന്നാണ് പല മെഡിക്കൽ വിദഗ്ധരും പറയുന്നത്. ശുദ്ധമായതും പ്രകൃതിദത്തമായതുമായ പൂമ്പൊടിയാണ് തേനിൽ അടങ്ങിയിരിക്കുന്നത്.
തൈരും തേനും കാര്ബോഹൈഡ്രേറ്റുകള്, പ്രോട്ടീന് എന്നിവയുടെ ഏറ്റവും നല്ല ഉറവിടമാണ്. തൈര് പ്രോട്ടീന് സമ്പുഷ്ടമാണ്. തേനില് ഗ്ലൂക്കോസ് രൂപത്തില് കാര്ബോഹൈഡ്രേറ്റുകള് ഏറെ അടങ്ങിയിട്ടുമുണ്ട്. ഇത് ശരീരത്തിന് ധാരാളം ഊര്ജം പ്രദാനം ചെയ്യുന്നു. മസില് ആരോഗ്യത്തിന് ഇത് മികച്ചതാണ്. മസിലുകള്ക്കുണ്ടാകുന്ന മുറിവുകള്ക്ക് നല്ലൊരു പരിഹാരമവുമാണിത്. വ്യായാമം ചെയ്യുന്നവര്ക്ക് ഇതു കൊണ്ടു തന്നെ ഏറെ നല്ലതാണ്. മസിലുകള്ക്കുണ്ടാകുന്ന ക്ഷീണവും മുറിവും തീര്ക്കാന് നല്ലതാണ്, ഊര്ജ സമ്പുഷ്ടവുമാണ്
തേനും തൈരും പ്രോബയോട്ടിക്സ് സമ്പുഷ്ടമാണ്. അതായത് നല്ല ബാക്ടീരിയകളുടെ ഉറവിടം. ഇതിനാല് തന്നെ ഇവ ചേര്ന്നാല് വയറിന്റെ ആരോഗ്യത്തിന് വളരെ നല്ലതാണു . ദഹനം മെച്ചപ്പെടുത്തും. കുടല് ആരോഗ്യം നന്നാക്കി നിര്ത്തും. വയറിളക്കം, ഛര്ദി പ്രശ്നങ്ങള്ക്കുള്ള നല്ലൊരു പരിഹാരമാണിത്.
വയറിനെ, കുടലിനെ തണുപ്പിയ്ക്കാന് കഴിയുന്ന ഒന്നാണ് തൈരും തേനും കലര്ത്തിയ കൂട്ട്. ഇതിനാല് തന്നെ ഗ്യാസ്, അസിഡിറ്റി പ്രശ്നങ്ങള്ക്കുള്ള നല്ല പരിഹാരമാണ്. ചൂടുകാലത്ത് ഈ പ്രത്യേക കൂട്ട് കഴിയ്ക്കുന്നത് ഏറെ ഗുണം നല്കുന്നു. വയറിനുണ്ടാകുന്ന അസ്വസ്ഥതകള് മാറാന് ഇതേറെ നല്ലതാണ്.
തടി കുറയ്ക്കാന് ശ്രമിയ്ക്കുന്നവര്ക്ക് പരീക്ഷിയ്ക്കാവുന്ന ഒന്നാണ് ഈ പ്രത്യേക കൂട്ട്. ഇത് മധുരം കഴിയ്ക്കാനുള്ള ആരോഗ്യകരമായ വഴിയാണ്. ഇതിനാല് തന്നെ മറ്റ് കൃത്രിമ മധുരം കഴിയ്ക്കുന്നതില് നിന്നും സ്വയം ശരീരത്തെ തടയുകയും ചെയ്യുന്നു. അല്പം ഭക്ഷണം കഴിച്ചാലും പിന്നീട് തൈരും തേനും കലര്ത്തി അല്പം കഴിച്ചു നോക്കൂ.
വയര് നിറഞ്ഞത് പോലുള്ള തോന്നലുണ്ടാകും. പൊതുവേ തേന് തടി കുറയ്ക്കാന് സഹായിക്കുന്ന ഒന്നാണ്. ധാരാളം ആന്റിഓക്സിഡന്റുകള് അടങ്ങിയ ഒന്നാണിത്. തൈര് ശരീരം പഞ്ചസാര വലിച്ചെടുക്കുന്നതിനെ പതുക്കെയാക്കുന്നു. ഇതിനാല് തന്നെ പ്രമേഹം പോലുള്ള രോഗങ്ങള് തടയാനും ഇത് നല്ലതാണ്.
പ്രതികരിക്കാൻ ഇവിടെ എഴുതുക