തിരുവനന്തപുരം ആശുപത്രി അധികൃതരുടെ അനാസ്ഥ മൂലം നവജാത ശിശു മരിച്ചതായി പരാതി. തൈക്കാട് മാതൃ-ശിശു ആശുപത്രിക്കെതിരെയാണ് കുട്ടിയുടെ മാതാപിതാക്കള് പരാതി നല്കിയത്.
മലയിന്കീഴ് സ്വദേശികളായ അഖില് – മനീഷ ദമ്പതികളുടെ കുഞ്ഞാണ് മരിച്ചത്. ഇന്ന് രാവിലെയായിരുന്നു സംഭവം. കുഞ്ഞിന്റെ അവസ്ഥ ഗുരുതരമായിരിന്നിട്ടും ആശുപത്രി അധികൃതര് വേണ്ട ചികിത്സ നല്കിയില്ലെന്ന് മാതാപിതാക്കള്.
ആശുപത്രിക്കെതിരെ തമ്പാനൂര് പൊലീസ് സ്റ്റേഷനില് മാതാപിതാക്കള് പരാതി നല്കി.
കഴിഞ്ഞ 15 നാണ് മനീഷയെ ആശുപത്രിയില് പ്രവേശിപ്പിച്ചത്. ഫ്ലൂവിഡ് ഇഷ്യൂവും ബ്ലീഡിങ്ങിനെയും തുടര്ന്നാണ് മനീഷയെ ആശുപത്രിയില് പ്രവേശിപ്പിച്ചത്.
തുടര്ന്ന് ഇന്നലെ വൈകുന്നേരത്തോടെ മനീഷയുടെ ആരോഗ്യനില മോശമാവുകയും ചെയ്തു. ആശുപത്രി അധികൃതര് വേദനയ്ക്കുള്ള മരുന്ന് നല്കുകയും ഇന്ന് രാവിലെയോടെ പ്രസവം നടക്കുകയുമായിരുന്നു.
പ്രസവത്തിന് ശേഷമാണ് കുട്ടി മരിച്ചതെന്നാണ് ബന്ധുക്കള് പറയുന്നത്. നിലവില് കുഞ്ഞിന്റെ മൃതദേഹം തൈക്കാട് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
കുഞ്ഞിന്റെ ചികില്സയില് പിഴവുണ്ടായിട്ടില്ലെന്നാണ് ആശുപത്രി അധികൃതര് നല്കുന്ന വിശദീകരണം. പ്രസവ ശേഷം കുഞ്ഞിനെ പുറത്തെടുക്കുമ്പോള് ജീവന് ഉണ്ടായിരുന്നു എന്നാണ് ആശുപത്രി അധികൃതര് നല്കുന്ന വിശദീകരണം.
പ്രതികരിക്കാൻ ഇവിടെ എഴുതുക