കാബൂള്: കാബൂൾ എയർപോർട്ടിലെ ഒരു രഹസ്യ സിഐഎ ഗേറ്റ് അഫ്ഗാനികൾക്ക് ഒരു രക്ഷപ്പെടൽ പാതയായതായി റിപ്പോര്ട്ട്.
ഗ്ലോറി ഗേറ്റ്, ലിബർട്ടി ഗേറ്റ് എന്നിവയുൾപ്പെടെ വിവിധ കോഡ് നാമങ്ങളാൽ അറിയപ്പെടുന്ന എയർപോർട്ട് രഹസ്യ ഗേറ്റ് മുമ്പ് റിപ്പോർട്ട് ചെയ്യപ്പെട്ടിട്ടില്ല, താലിബാൻ പോലും അത് അറിഞ്ഞിരുന്നില്ല.
അഫ്ഗാന് വിടാന് ആയിരങ്ങള് വിമാനത്താവള ഗേറ്റില് തടിച്ചുകൂടിയ അവസാന ദിവസങ്ങളില് ഈ വാതിലിലൂടെ സി.ഐ.എ നിരവധി പേരെ അതീവരഹസ്യമായി രക്ഷപ്പെടുത്തിയതായി റിപ്പോര്ട്ട് വ്യക്തമാക്കുന്നു.
സി.ഐ.എ ഉദ്യോഗസ്ഥര്, രഹസ്യാന്വേഷണ ഉദ്യോഗസ്ഥര്, പ്രദേശിക ചാരന്മാര്, വി.ഐപികള് തുടങ്ങിയവരെ വിമാനത്താവളത്തില്നിന്നും പുറത്തുകടത്താന് നേരത്തെ സി ഐ എ ഉപയോഗിച്ചിരുന്നതാണ് ഈ രഹസ്യവാതില്.
കാബൂള് വിമാനത്താവളത്തിന്റെ വടക്ക് ഭാഗത്തുനിന്നും രണ്ട് കിലോ മീറ്റര് അകലെ ഒരു ഗ്യാസ് സ്റ്റേഷനു മുന്നിലായിരുന്നു ഈ രഹസ്യ ഗേറ്റ്. ഗ്ലോറി ഗേറ്റ്, ഫ്രീഡം ഗേറ്റ് എന്നീ കോഡ് വാക്കുകളിലാണ് അമേരിക്കന് വൃത്തങ്ങളില് ഇതറിയപ്പെട്ടിരുന്നത്.
സി.ഐ.എ ഡെല്റ്റ ഫോഴ്സ് ഏജന്റുമാര് എന്നിവരാണ് അധികമാരും ശ്രദ്ധിക്കാത്ത ഈ വാതില് കൈകാര്യം ചെയ്തിരുന്നത്. സി.ഐ പരിശീലനം കിട്ടിയ പ്രത്യേക അഫ്ഗാന് അര്ദ്ധ സൈനിക വിഭാഗമായ സീറോ റ്റു ആണ് ഇതിന് കാവല് നിന്നിരുന്നത്. സീറോ റ്റു അംഗങ്ങളെയും അവസാന ഘട്ടത്തില് അമേരിക്കയിലേക്ക് കടത്തി.
പ്രതികരിക്കാൻ ഇവിടെ എഴുതുക