തിരുവനന്തപുരം: തെക്കു പടിഞ്ഞാറന് ബംഗാള് ഉള്ക്കടലില് രൂപപ്പെട്ട തീവ്ര ന്യൂനമര്ദ്ദത്തിന്റെ ഫലമായി അടുത്ത രണ്ട് ദിവസംകൂടി കേരളത്തില് ഒറ്റപ്പെട്ട ശക്തമായ മഴ തുടരാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം. കേരളത്തിലെ 12 ജില്ലകളില് മൂന്ന് ദിവസം മഞ്ഞ അലര്ട്ട് പ്രഖ്യാപിച്ചു.
ബംഗാള് ഉള്ക്കടലിലെ ശക്തി കൂടിയ ന്യൂനമര്ദ്ദം (Well Marked Low pressure) തീവ്ര ന്യൂനമര്ദ്ദം (Depression) ആയി. ഇത് പടിഞ്ഞാറ് വടക്കു-പടിഞ്ഞാറ് ദിശയില് സഞ്ചരിച്ചു ചെന്നൈക്ക് സമീപം വടക്കന് തമിഴ്നാട് – തെക്കു ആന്ധ്രാ പ്രദേശ് തീരത്തു വെള്ളിയാഴ്ച രാവിലെ കരയില് പ്രവേശിക്കാന് സാധ്യതയുണ്ടെന്നാണ് അറിയിപ്പ്.
മഞ്ഞ അലര്ട്ട് പ്രഖ്യാപിച്ചിട്ടുള്ള ജില്ലകള്
18-11-2021: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്
19-11-2021: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്
22-11-2021: പത്തനംതിട്ട, ഇടുക്കി, പാലക്കാട്, മലപ്പുറം, വയനാട്
പ്രതികരിക്കാൻ ഇവിടെ എഴുതുക