കിഴക്കമ്പലം: എറണാകുളം കിഴക്കമ്പലത്ത് കിറ്റക്സ് കമ്പനിയില് ജോലി ചെയ്യുന്ന അതിഥി തൊഴിലാളികള് പൊലീസിനെ ആക്രമിക്കുകയും പൊലീസ് ജീപ്പുകള് കത്തിക്കുകയും ചെയ്തു.
കുന്നത്തുനാട് സ്റ്റേഷനിലെ രണ്ട് ജീപ്പുകളാണ് കത്തി നശിച്ചത്. ജീപ്പിലുണ്ടായിരുന്ന പൊലീസുകാര് ഓടി രക്ഷപ്പെടുകയായിരുന്നു.
അക്രമത്തില് സി.ഐ അടക്കം അഞ്ച് പൊലീസുകാര്ക്ക് പരിക്കേറ്റിട്ടുണ്ട്. തൊഴിലാളികള് നടത്തിയ കല്ലേറിലാണ് പൊലീസുകാര്ക്ക് പരിക്കേറ്റത്.
പുലര്ച്ചെ നാല് മണിയോടെയാണ് ഇവരെ കസ്റ്റഡിയിലെടുത്തത്. ആലുവ റൂറല് എസ്.പി കെ.കാര്ത്തികിന്റെ നേതൃത്വത്തിലുള്ള പൊലീസ് സംഘമാണ് ക്യാമ്പിനുള്ളില് കയറി തൊഴിലാളികളെ അറസ്റ്റ് ചെയ്തത്.
പ്രതികള് മദ്യലഹരിയിലായിരുന്നുവെന്നാണ് പൊലീസ് പറയുന്നത്. ഇന്നലെ അര്ധരാത്രിയോടെയാണ് സംഘര്ഷങ്ങള്ക്ക് തുടക്കമായത്. ക്രിസ്മസ് കരോളുമായി ബന്ധപ്പെട്ട് തൊഴിലാളികള്ക്കിടയില് തര്ക്കം ഉടലെടുത്തിരുന്നു.
അതിഥി തൊഴിലാളികള് ചേരി തിരിഞ്ഞ് ഏറ്റുമുട്ടിയതോടെ സംഭവമറിഞ്ഞ പൊലീസ് സ്ഥലത്തെത്തുകയായിരുന്നു. എന്നാല് പൊലീസിനെ തൊഴിലാളികള് സംഘം ചേര്ന്ന് ആക്രമിക്കുകയായിരുന്നു. സ്ഥലത്തെത്തിയ നാട്ടുകാര്ക്ക് നേരെയും കല്ലേറുണ്ടായി.
കുന്നത്തുനാട് സി.ഐ വി.ടി. ഷാജന്റെ തലയ്ക്ക് പരിക്കേല്ക്കുകയും കൈ ഒടിയുകയും ചെയ്തതായാണ് റിപ്പോര്ട്ട്. മറ്റ് നാല് പൊലീസുകാര്ക്കും പരിക്കേറ്റിറ്റുണ്ട്.
പൊലീസുകാരെ മെഡിക്കല് മിഷന് ആശുപത്രിയില് പ്രവേശിപ്പിച്ചിരിക്കുകയാണ്.
പ്രതികരിക്കാൻ ഇവിടെ എഴുതുക