സംസ്ഥാനത്തെ തൊഴില് ഇല്ലാത്തവര്ക്കുള്ള വേതനത്തില് വന് വര്ധനവ് പ്രഖ്യാപിച്ച് തെലങ്കാന മുഖ്യമന്ത്രി കെ ചന്ദ്രശേഖര റാവു . തൊഴില് ഇല്ലാത്തവര്ക്ക് മാസം തോറും 3016 രൂപ വീതം നല്കുമെന്നാണ് തെലങ്കാന സര്ക്കാരിന്റെ പ്രഖ്യാപനം.
ഏപ്രില് മാസം മുതല് ഈ തുക ലഭ്യമാകുമെന്നാണ് സര്ക്കാര് വിശദമാക്കുന്നത്. 2018ലെ നിയമസഭാ തെരഞ്ഞെടുപ്പ് പ്രചാരണ വേളയിലാണ് ടിആര്എസ് തൊഴില് രഹിതര്ക്ക് വേതനം പ്രഖ്യാപിച്ചത്. ടി ആര് എസിന്റെ തെരഞ്ഞെടുപ്പ് വാഗ്ദാനങ്ങളില് പ്രധാനപ്പെട്ടതുമായിരുന്നു ഇത്.
വന് ഭൂരിപക്ഷത്തില് രണ്ടാം തവണ അധികാരത്തിലെത്തിയെങ്കിലും തെരഞ്ഞെടുപ്പ് വാഗ്ദാനം നടപ്പിലാക്കാന് മൂന്ന് വര്ഷത്തോളം കാല താമസമുണ്ടായത് സംസ്ഥാനത്ത് ശക്തമായ പ്രതിഷേധത്തിന് വഴി തെളിച്ചിരുന്നു.
നിലവില് സംസ്ഥാനത്ത് റിപ്പോര്ട്ട് ചെയ്തിട്ടുള്ള പോസ്റ്റുകളിലേക്ക് ഉദ്യോഗാര്ത്ഥികളെ നിയമിക്കാനുള്ള നീക്കത്തിലുമാണ് തെലങ്കാന സര്ക്കാരുള്ളത്. നിലവില് തൊഴില് ഇല്ലായ്മാ വേതനം ലഭിക്കുന്ന ഉദ്യോഗാര്ത്ഥികളില് പരമാവധി പേര്ക്ക് സ്ഥിരവരുമാനം ഉറപ്പിക്കാനാണ് നീക്കം. ഇത് സംബന്ധിയായ അറിയിപ്പുകള് ഉടനുണ്ടാകുമെന്നും സര്ക്കാര് വ്യക്തമാക്കുന്നു.
പ്രതികരിക്കാൻ ഇവിടെ എഴുതുക