യുദ്ധത്തിന് ആഗ്രഹമില്ലെന്നും അതിര്ത്തിയില് നിന്ന് സൈന്യത്തെ പിന്വലിച്ചെന്നും അറിയിച്ച് റഷ്യ. യുക്രൈന് അതിര്ത്തിയില് നിന്ന് സൈനിക പിന്മാറ്റം പ്രഖ്യാപിച്ചിരിക്കുകയാണ് റഷ്യ ഇപ്പോൾ. റഷ്യയുടെ നിയന്ത്രണത്തിലുള്ള പ്രദേശത്ത് നിന്ന് പിന്മാറുന്നതായാണ് പ്രഖ്യാപനം നടത്തിയിരിക്കുന്നത്.
അതേസമയം, യുദ്ധത്തിനുള്ള സാധ്യത ഈ നിമിഷത്തിലും തള്ളിക്കളയാനാകില്ലെന്നാണ് അമേരിക്കന് പ്രസിഡന്റ് ജോ ബൈഡന് പ്രതികരിച്ചത്.
സൈന്യത്തെ പിന്വലിച്ചു എന്ന വാദത്തിന് തനിക്ക് ഇപ്പോഴും സ്ഥിരീകരണം ലഭിച്ചിട്ടില്ലെന്നും അദ്ദേഹം പറഞ്ഞു. യുദ്ധമുണ്ടായാല് ലക്ഷക്കണക്കിന് മനുഷ്യര് ദുരിതം അനുഭവിക്കുമെന്ന് ബൈഡന് വീണ്ടും ഓര്മ്മിപ്പിക്കുകയും ചെയ്തിട്ടുണ്ട്.
റഷ്യന് പ്രസിഡന്റ് വ്ളാഡിമര് പുടിന് സൈന്യത്തെ പിന്വലിച്ചതായി പറഞ്ഞെങ്കിലും യുദ്ധ ഭീതിയെ ഇല്ലാതാക്കുന്ന യാതൊരു ശുഭസൂചനയും യുക്രൈന് അതിര്ത്തിയില് നിന്ന് ലഭിച്ചിട്ടില്ലെന്നാണ് നാറ്റോയും അമേരിക്കയും വിലയിരുത്തുന്നത്.
പ്രതികരിക്കാൻ ഇവിടെ എഴുതുക