തിരുവനന്തപുരം : തിരുവനന്തപുരം നഗരസഭയുടെ നേതൃത്വത്തിൽ കിഴക്കേകോട്ടയിൽ നിർമിച്ച കേരളത്തിലെ ഏറ്റവും വലിയ കാൽനട മേൽപ്പാലം നാടിന് സമർപ്പിച്ചു.
പൊതുമരാമത്ത് മന്ത്രി ഉദ്ഘാടനം ചെയ്ത ചടങ്ങില് നടന് പൃഥ്വിരാജ് സുകുമാരന് മുഖ്യാതിഥിയായിരുന്നു. സംസ്ഥാനത്തെ ഏറ്റവും നീളമേറിയ കാല്നട മേല്പാലമാണ് കിഴക്കേകോട്ടയിലേത്.
ജനിച്ച നാട്ടിൽ വരുമ്പോൾ എല്ലാവർക്കും ഉണ്ടാവുന്ന സന്തോഷമാണ് തനിക്കുമുള്ളതെന്നും ആദ്യമായാണ് ഒരു മേയർ രാജുവേട്ടാ എന്ന് വിളിച്ച് പരിപാടിക്ക് ക്ഷണിക്കുന്നതെന്നും പൃഥ്വിരാജ് പറഞ്ഞു.
പ്രസംഗത്തിനിടെയാണ് മേയർ ആര്യാ രാജേന്ദ്രൻ, രാജുവേട്ടാ എന്ന് വിളിച്ച് പരിപാടിയിലേക്ക് ക്ഷണിച്ച കാര്യം പൃഥ്വിരാജ് പറഞ്ഞത്.
വന് ജനക്കൂട്ടം പങ്കെടുത്ത കിഴക്കേക്കോട്ടയിലെ ഉദ്ഘാടന വേദിയിലേക്ക് പ്രിയതാരം എത്തിയപ്പോള് ആരാധകര് ആര്ത്തുവിളിച്ചു.
ഒരുപാട് കാലത്തിന് ശേഷമാണ് തിരുവനന്തപുരത്ത് തന്റെ സിനിമയുടെ ഷൂട്ടിങ് നടക്കുന്നതെന്നും യാദൃച്ഛികവശാൽ ആ സമയം തന്നെ ഇതുപോലൊരു പൊതുപരിപാടി ഷെഡ്യൂൾ ചെയ്യപ്പെടാനും അതിൽ ക്ഷണം ലഭിക്കാനും ഭാഗ്യം ലഭിച്ച വ്യക്തിയാണ് താനെന്ന് പൃഥ്വിരാജ് പറഞ്ഞു.
‘‘എല്ലാവരും, ജനിച്ച നാട്ടിൽ പോകുമ്പോൾ പറയുന്ന സ്ഥിരം ഡയലോഗാണ് ജനിച്ച നാട്ടിൽ വരുമ്പോഴുള്ള സന്തോഷം എന്ന്. ഇതിൽ യഥാർഥത്തിലുള്ള സന്തോഷം എന്താണെന്ന് അറിയാമോ, ഞാനൊക്കെ കോളജിൽ പഠിക്കുന്ന കാലത്ത് ഈ പഴവങ്ങാടിയിൽ നിന്നും കിഴക്കേകോട്ട വരെയുളള റോഡിലാണ് സ്ഥിരം പൊലീസ് ചെക്കിങ്.
ഞങ്ങളൊക്കെ ബൈക്കിൽ സ്പീഡിൽ പോയതിന് പല തവണ പൊലീസ് നിർത്തിച്ചിട്ടുണ്ട്. ആ വഴിയിൽ ഒരു പൊതുചടങ്ങിൽ ഇത്രയും നാട്ടുകാരുടെ സതോഷത്തിന്റെ ഭാഗമാകാൻ സാധിച്ചതിൽ സത്യത്തിൽ ഒരു പ്രത്യേക സന്തോഷം തന്നെയുണ്ട്.
ഒരുപാട് വലിയ വ്യക്തിത്വങ്ങള് ജനിച്ചു വളര്ന്ന നാടാണിത്. അവരുടെ സ്മരണയില് ഇതുപോലൊരു പബ്ലിക് ഇന്ഫ്രാസ്ട്രക്ച്ചര് ഒരുക്കിയ ഈ ഐഡിയേഷന് ടീമിന് ഞാന് ആദ്യമേ അഭിനന്ദനം അറിയിക്കുന്നു.
തിരുവനന്തപുരത്ത് ജനിച്ച് വളര്ന്ന്, സിനിമ കൊച്ചിയില് സജീവമായപ്പോള് അങ്ങോട്ട് താമസം മാറിയ ആളാണ്. പക്ഷേ തിരുവനന്തപുരത്ത് വരുമ്പോള് ആണ് നമ്മുടെ, എന്റെ എന്നൊക്കെയുള്ള തോന്നല് ഉണ്ടാകുന്നത്.
സത്യത്തില് എന്റെ മലയാളം ഇങ്ങനെയല്ല. ഇപ്പോള് കുറച്ച് ആലങ്കാരികമായി സംസാരിക്കുന്നു എന്ന് മാത്രം. ‘കാപ്പ’ എന്ന എന്റെ പുതിയ സിനിമയില് എന്റെ ഭാഷയില് സംസാരിക്കുന്നുണ്ട്.
പിന്നെ ജീവിതത്തില് ആദ്യമായാണ് ഒരു മേയര് രാജുവേട്ടാ എന്ന് വിളിച്ച് അഭിസംബോധന ചെയ്ത് ഒരു പരിപാടിക്ക് ക്ഷണിക്കുന്നത്. എന്തായാലും വന്നു കളയാമെന്ന് വിചാരിച്ചു’’.- പൃഥ്വിരാജ് പറഞ്ഞു.
പ്രതികരിക്കാൻ ഇവിടെ എഴുതുക