വാഹന അപകടങ്ങളില് പ്രതികളാവുകയും ലഹരിപദാര്ത്ഥങ്ങള് ഉപയോഗിച്ച് വാഹനം ഓടിക്കുകയും ചെയ്യുന്ന ഡ്രൈവര്മാര്ക്ക് നിര്ബന്ധിത സാമൂഹിക സേവനം ഏർപ്പെടുത്താൻ സർക്കാർ തീരുമാനം.
ട്രോമാകെയര് സെന്ററുകളിലും പാലിയേറ്റീവ് കെയറുകളിലും മൂന്നു ദിവസത്തില് കുറയാത്ത നിര്ബന്ധിത സാമൂഹിക സേവനം നടത്തണമെന്നാണ് നിർദേശം. ഗതാഗത മന്ത്രി ആന്റണി രാജുവിന്റെ അദ്ധ്യക്ഷതയില് ചേര്ന്ന ഉന്നതതല യോഗത്തിന്റേതാണ് തീരുമാനം.
ഡ്രൈവിംഗ് ലൈസന്സ് സസ്പെന്ഡ് ചെയ്യുന്നതിനു പുറമേ എടപ്പാളിലുള്ള ഇന്സ്റ്റിറ്റ്യൂട്ട് ഓഫ് ഡ്രൈവര് ട്രെയിനിംഗ് ആന്റ് റിസര്ച്ചില് മൂന്ന് ദിവസ പരിശീലനവും നിര്ബന്ധമാക്കും.
മോട്ടോര് വാഹന നിയമം ലംഘിക്കുന്ന ടൂറിസ്റ്റ് ബസ് ഉള്പ്പെടെയുള്ള കോണ്ട്രാക്ട് ക്യാരിയേജുകള്, റൂട്ടുകളില് ഓടുന്ന സ്റ്റേജ് ക്യാരിയേജുകള്, ഗുഡ്സ് ക്യാരിയേജുകള് എന്നിവയിലെ ഡ്രൈവര്മാരായിരിക്കും ആദ്യ ഘട്ടത്തില് ഇത്തരം സേവന-പരിശീലന പദ്ധതിയില് ഉള്പ്പെടുകഎന്നും സർക്കാർ വ്യക്തമാക്കി.
.
പ്രതികരിക്കാൻ ഇവിടെ എഴുതുക