പലപ്പോഴും ഹൃദയത്തെ ബാധിക്കുന്നത് പ്രമേഹം, ഉയര്ന്ന രക്തസമ്മര്ദ്ദം, അനാരോഗ്യകരമായ ഭക്ഷണം, ഉദാസീനമായ ജീവിതശൈലി, മദ്യപാനം, പുകവലി, അമിതവണ്ണം തുടങ്ങിയവയുടെ ഒക്കെ ഫലമാണ്. ഹൃദയാരോഗ്യത്തിനായി ശ്രദ്ധിക്കേണ്ട ചില കാര്യങ്ങള് ഇതാ.
ആരോഗ്യകരമായ ഭക്ഷണരീതി പിന്തുടരുകയാണ് ആദ്യം ചെയ്യേണ്ടത്. പാക്കറ്റ് ഭക്ഷണങ്ങളും ഫ്രൈഡ് ഭക്ഷണവുമാണ് പ്രധാനമായും ഹൃദയാരോഗ്യത്തെ വെല്ലുവിളിക്കുന്നത്. നിത്യേനയുള്ള ഭക്ഷണക്രമത്തില് ധാരാളം പച്ചക്കറികളും പഴങ്ങളും ഉള്പ്പെടുത്തുക.
നാരുകള് അടങ്ങിയ ഭക്ഷണങ്ങള്, ഭക്ഷ്യധാന്യങ്ങളോ, ചാമ അരിയോ പോലുള്ള മുഴുധാന്യങ്ങളിളോ കൂടുതലായി കഴിക്കണം. നാരുകള്ക്ക് പുറമെ, ഒമേഗ 3 അടങ്ങിയ ഭക്ഷണവും, വിറ്റാമിനുകള്, ധാതുക്കള് എന്നിവ അടങ്ങിയ ഭക്ഷണങ്ങളും കഴിക്കുക. ഭക്ഷണത്തില് ഉപ്പിന്റെ അളവ് കുറയ്ക്കുക.
ശരീരത്തിലെ ജലാംശം നിലനിര്ത്തുക. ദിവസം മുഴുവനും ഇടയ്ക്കിടെ വെള്ളം കുടിച്ച് കൊണ്ടിരിക്കണം. അത് ഹൃദയത്തിന്റെയും മൊത്തം ശരീരത്തിന്റെയും ചര്മ്മത്തിന്റെയും ആരോഗ്യത്തിന് നല്ലതാണ്.
പുകവലി ഉപേക്ഷിക്കുക. ഇനി പുകവലിക്കാത്തവര്, പുകവലിക്കുന്നവരുടെ അടുത്തു നിന്ന് മാറിനില്ക്കാനും ശ്രദ്ധിക്കുക. കാരണം പാസീവ് സ്മോക്കിങ് മൂലമുള്ള ഹൃദ്രോഗനിരക്ക് ഏറിവരുന്നതായാണ് ലോകാരോഗ്യസംഘടനയുടെ കണക്കുകള് സൂചിപ്പിക്കുന്നത്.
പ്രമേഹവും രക്തസമ്മര്ദ്ദവും ഹൃദ്രോഗസാധ്യത കൂട്ടുന്നു. അതുകൊണ്ടുതന്നെ ഇത്തരം ആരോഗ്യ പ്രശ്നങ്ങളെ അകറ്റാന് ശ്രമിക്കുക. ഭക്ഷണത്തില് ഉപ്പും പഞ്ചസാരയും നിയന്ത്രിക്കുക.
ഉറക്കക്കുറവ് ഹൃദയാരോഗ്യത്തിനെയും മോശമായി ബാധിക്കും.അതിനാല് മതിയായ ഉറക്കം ലഭ്യമാക്കുക. മുതിര്ന്നവര് ഒരു ദിവസം 7-8 മണിക്കൂറും കുട്ടികള് 8-9 മണിക്കൂറും ഉറങ്ങണം.
മദ്യപാനം അമിതമായാല് രക്തത്തിലെ ട്രൈഗ്ലിസറൈഡിന്റെ അളവ് കൂടും. ഇത് ഹൃദ്രോഗത്തിനുള്ള പ്രധാനപ്പെട്ട കാരണമാണ്. അതിനാല് മദ്യപാനം ഒഴിവാക്കുക.
ഹൃദയത്തിന്റെ ആരോഗ്യത്തിന് വ്യായാമം നിര്ബന്ധമാണ്. ദിവസവും കുറഞ്ഞത് 30 മിനിറ്റെങ്കിലും ശരീരം നന്നായി വിയര്ക്കുന്നവിധം വ്യായാമം ചെയ്യുക. അത് നടത്തമോ ഓട്ടമോ എന്തും ആകാം. ഓഫീസിലെയും വീട്ടിലെയും പടികൾ കയറുകയും ഇറങ്ങുകയുമൊക്കെ ചെയ്യാം.
അനാവശ്യമായ ടെന്ഷനും സമ്മര്ദങ്ങളും നിയന്ത്രിക്കുന്നത് ഹൃദയാഘാതവും പക്ഷാഘാതവും ഉണ്ടാകാനുള്ള സാധ്യത കുറയ്ക്കും.
പ്രതികരിക്കാൻ ഇവിടെ എഴുതുക