നടനും ചലച്ചിത്ര നിർമ്മാതാവുമായ വിശാലിന്റെ സിനിമകള് റിലീസ് ചെയ്യുന്നത് താല്ക്കാലികമായി തടഞ്ഞ് മദ്രാസ് ഹൈക്കോടതി. 2019 മുതൽ 21.29 കോടി രൂപ വിശാല് നൽകാനുണ്ടെന്ന് ലൈക്ക പ്രൊഡക്ഷൻസിന്റെ ഹര്ജിയിലാണ് 2022 മാർച്ചില് ജസ്റ്റിസ് സെന്തിൽകുമാർ രാമമൂർത്തി നടനോട് പണം കെട്ടിവയ്ക്കാന് നിര്ദേശിച്ചത്.
ഇതിനെതിരെ വിശാല് നൽകിയ അപ്പീൽ പരിഗണിക്കാൻ ആക്ടിംഗ് ചീഫ് ജസ്റ്റിസ് ടി.രാജയും ജസ്റ്റിസ് ഡി. ഭരത ചക്രവർത്തിയും വിസമ്മതിച്ചു.
15 കോടി രൂപ കോടതിയില് അടിയന്തരമായി വിശാല് കെട്ടിവയ്ക്കണമെന്നും അല്ലാത്ത പക്ഷം തീയറ്ററുകലിലോ, ഒടിടി പ്ലാറ്റ്ഫോമുകളിലോ വിശാലിന്റെ ചിത്രങ്ങള് റിലീസ് ചെയ്യുന്നതാണ് മദ്രാസ് ഹൈക്കോടതി വിലക്കിയത്.
2022 മാർച്ച് 8-നാണ് സിംഗിൾ ബെഞ്ച് ജഡ്ജി 15 കോടി കെട്ടിവയ്ക്കാന് വിശാലിന് നിര്ദേശം നല്കിയത്. കൂടാതെ സിംഗിൾ ജഡ്ജിയുടെ ഉത്തരവിൽ ഡിവിഷൻ ബെഞ്ച് ഒരു അധിക ക്ലോസ് കൂടി ചേർത്തു.
പണം തിരിച്ചു ലഭിക്കാന് ലൈക്ക പ്രൊഡക്ഷൻസ് ഫയൽ ചെയ്ത സിവിൽ സ്യൂട്ടിന്റെ ഭാഗമായി 15 കോടി രൂപ കെട്ടിവയ്ക്കാന് നിർദ്ദേശം പാലിക്കുന്നതിൽ നടൻ പരാജയപ്പെട്ടാൽ അത് തീർപ്പാക്കുന്നതുവരെ വിശാലിന്റെ സിനിമകളൊന്നും തീയറ്ററുകളിലോ ഒടിടി പ്ലാറ്റ്ഫോമിലോ റിലീസ് ചെയ്യാൻ പാടില്ലെന്നും നിര്ദേശിച്ചു.
പ്രതികരിക്കാൻ ഇവിടെ എഴുതുക