ദക്ഷിണ ഡൽഹിയിലെ പുഷ്പ് വിഹാറിലെ അമൃത സ്കൂളിന് ബോംബ് ഭീഷണി ഉണ്ടായതായി റിപ്പോർട്ട്. ഇന്ന് പുലർച്ചെ ഇ മെയിൽ വഴിയാണ് ബോംബ് ഭീഷണി ലഭിച്ചതെന്നാണ് പുറത്തു വരുന്ന വിവരം. ബോംബ് ഭീഷണിയെക്കുറിച്ച് വിവരം ലഭിച്ചയുടൻ ഡൽഹി പൊലീസും മറ്റ് ഉദ്യോഗസ്ഥരും അടങ്ങുന്ന സംഘം സ്കൂൾ പരിസരത്തെത്തി.
ബോംബ് നിർവീര്യമാക്കൽ സംഘം (ബിഡിടി) സ്കൂളിൽ സമഗ്രമായ പരിശോധന നടത്തിയെങ്കിലും ഒന്നും കണ്ടെത്താനായില്ലെന്ന് സൗത്ത് ഡൽഹി ഡിസിപി സ്ഥിരീകരിച്ചു. ഒരു മാസത്തിനുള്ളിൽ ഇത് രണ്ടാം തവണയാണ് സ്കൂളിന് ഇമെയിൽ വഴി ബോംബ് ഭീഷണി വരുന്നത്.
സാങ്കേതിക അന്വേഷണത്തിൽ,സന്ദേശം അയച്ച ഇമെയിൽ വിലാസം ഒരു വിദ്യാർത്ഥിയുടേതാണെന്ന് കണ്ടെത്തി. വിദ്യാർത്ഥിയുടെ ഇ മെയിൽ ഐ ഡി ആരോ ദുരുപയോഗം ചെയ്യുകയായിരുന്നു.
പ്രതികരിക്കാൻ ഇവിടെ എഴുതുക