രാവിലെ ഉണര്ന്നെഴുന്നേറ്റാല് ഉടന് നാം ചെയ്യരുതാത്ത, ചെയ്യേണ്ട പലതുമുണ്ട്. പൊതുവേ നാം അരുതുകളെങ്കിലും ചെയ്യുന്ന ചിലത്. ഇത്തരം ചിലതിനെ കുറിച്ചറിയൂ.
വ്യത്യസ്തമായ സമയങ്ങളില്
രാവിലെ വ്യത്യസ്തമായ സമയങ്ങളില് ഉണരാതിരിയ്ക്കുക. അതായത് കൃത്യസമയം ഉണരാന് വേണം. കാരണം നമ്മുടെ ശരീരത്തില് ഒരു ബയോളജിക്കല് ക്ലോക്കുണ്ട്. അലാറാം വച്ചില്ലെങ്കിലും നാം എഴുന്നേല്ക്കും, ടോയ്ലറ്റില് പോകും, വിശപ്പു തോന്നും. എന്നാല് വ്യത്യസ്ത സമയങ്ങളില് എഴുന്നേറ്റാല് ഈ ബയോളജിക്കല് ക്ലോക്ക് തകിടം മറിയും. ഇതിനാല് തന്നെ കാര്യങ്ങളെല്ലാം അവതാളത്തിലാകും. മലബന്ധം, അസിഡിറ്റി, ക്ഷീണം തുടങ്ങിയ പല പ്രശ്നങ്ങളും ഉണ്ടാകും. ഇതിനാല് ജോലിയുള്ള ദിവസമെങ്കിലും അല്ലെങ്കിലും അല്ലെങ്കില് പഠനമുള്ള ദിവസങ്ങളിലെങ്കിലും ഇല്ലെങ്കിലും ഒക്കെ കൃത്യസമയത്ത് തന്നെ എഴുന്നേല്ക്കുന്നത് ശീലമാക്കുക. ഇത് ആരോഗ്യകരമായ ജീവിതത്തിന് അത്യാവശ്യമാണ്.
മൊബൈലില്
ഇതു പോലെ അലാറം വയ്ക്കുന്ന ശീലം പലര്ക്കുമുണ്ട്. അലാറാം മൊബൈലില് വയ്ക്കും. അത് അടിയ്ക്കുമ്പോള് ഇത് സ്നൂസ് ചെയ്ത് വേറെ സമയത്തേക്കു മാറ്റി വയ്ക്കും. വീണ്ടും സ്നൂസ് ബട്ടന് ഉപയോഗിയ്ക്കരുത്. ഇത് ഉറക്കച്ചടവ് അതായത് ക്ഷീണം തോന്നും. ആദ്യത്തെ അലാറം അടിയ്ക്കുന്ന സമയത്ത് തന്നെ ഉണരുക. ഇതു പോലെ ആദ്യം തന്നെ മൊബൈല് നോക്കി സോഷ്യല് മീഡിയ പരിശോധിയ്ക്കുന്ന പലരുമുണ്ട്. രാവിലെ ഈ മൊബൈല് ഫോണില് നിന്ന് വരുന്ന ലൈററ് നല്ലതല്ല. മാത്രമല്ല, നല്ല വാര്ത്തകള് മാത്രമല്ല, നമുക്ക് രാവിലെ തന്നെ മൂഡോഫ് ഉണ്ടാക്കുന്ന വാര്ത്തകളുമുണ്ടാകും. ഇത് ദിവസം നശിപ്പിയ്ക്കും. ഇതിനാല് ഇത് മാനസികവും ആരോഗ്യപരവുമായ പ്രശ്നമുണ്ടാകും.
കാപ്പി, ചായ ശീലങ്ങള്
ഇതുപോലെ രാവിലെ ഉണര്ന്നാല് മുറിയിലെ ഇരുട്ടില് തന്നെ അല്പനേരം ഇരിയ്ക്കാന് താല്പര്യപ്പെടുന്നവരാണ് പലരും. എന്നാല്, ഇത് നല്ലതല്ല. രാവിലെ തന്നെ സൂര്യപ്രകാശവും കാറ്റും വെളിച്ചവുമെല്ലാം വരുന്ന രീതിയില് മുറിയിലെ കര്ട്ടനുകള് മാറ്റുക. വാതില് തുറക്കുക. ഇത് കൂടുതല് ഉണര്വ് നല്കും. ഇതു പോലെ തന്നെ രാവിലെ തന്നെ കാപ്പി, ചായ ശീലങ്ങള് പതിവുള്ളവരുണ്ട്. ഇത് ഗ്യാസ്, അസിഡിറ്റി പ്രശ്നങ്ങള്ക്ക് കാരണമാകും. ഇതിനാല് ഒന്നോ രണ്ടോ ഗ്ലാസ് വെള്ളം കുടിച്ചു വേണം, ദിവസം കൊടുക്കാന്. വെള്ളം ആല്ക്കലിയാണ്. ചായ, കാപ്പി അഡിസിക് ആണ്. എന്നാല് ഇതുപോലെ തന്നെ തടി കുറയ്ക്കാന്, കൊളസ്ട്രോള് കുറയ്ക്കാന് പറഞ്ഞു കുടിയ്ക്കുന്ന ചില പാനീയങ്ങളും ഇത്തരം അസിഡിറ്റിയുണ്ടാക്കും. പകരം സാധാരണ വെള്ളം, പ്രത്യേകിച്ചും ചെറുചൂടുള്ള വെള്ളം കുടിയ്ക്കാം. ഇതു പോലെ ഗ്യാസ്, അസിഡിറ്റി പ്രശ്നങ്ങളെങ്കില് ഒരു കഷ്ണം ബ്രെഡോ ബിസ്കറ്റോ കഴിച്ച ശേഷം മാത്രം ചായ, കാപ്പി കഴിയ്ക്കുക.
പ്രാതല്
ഇതു പോലെ രാവിലെ പെട്ടെന്ന് തന്നെ പ്രാതല് കഴിയ്ക്കുക. ശരീരത്തിന് വേണ്ട ഊര്ജത്തിന്റെ 40 ശതമാനവും പ്രാതലില് നിന്നും ലഭിയ്ക്കും. ഇത് യാതൊരു കാരണവശാലും ഒഴിവാക്കരുത്. 7-8 മണിയ്ക്കുള്ളില് തന്നെ ഇത് കഴിയ്ക്കണം. ഇതു പോലെ രാവിലെ കൃത്യസമയത്ത് ടോയ്ലറ്റില് പോകുന്ന ശീലം പതിവാക്കുക. ഇത് ശീലമായാല് പിന്നെ അതേ സമയം തന്നെ കൃത്യമായി നല്ല ശോധന ലഭിയ്ക്കുകയും ചെയ്യും. ഇത്തരം തോന്നലുകള് പിടിച്ചു വയ്ക്കരുത്. കാരണം മലബന്ധം പോലുള്ള പ്രശ്നങ്ങള്ക്ക് ഇത് കാരണമാകും.
വഴക്കിടുകയോ മുഷിഞ്ഞു സംസാരിക്കുകയോ
ഇതു പോലെ രാവിലെ തന്നെ പങ്കാളിയോടോ കുട്ടികളോടോ വഴക്കിടുകയോ മുഷിഞ്ഞു സംസാരിക്കുകയോ അരുത്. ഇത് അവരുടെ മൂഡ് മാത്രമല്ല, നമ്മുടെ മൂഡും നശിപ്പിയ്ക്കും. നമ്മുടെ ശരീരത്തിലെ നല്ല ഹോര്മോണുകളെ ബാധിയ്ക്കും. ഇതു പോലെ പുകവലി ശീലമെങ്കില് രാവിലെ ഈ ശീലം മാറ്റുക. ഇത് ശരീരത്തിലെ ഓക്സിജന്റെ അളവിനെ ബാധിയ്ക്കുന്നു. ഇതു പോലെ രാവിലെ 10 മിനിറ്റെങ്കിലും വ്യായാമം ചെയ്യുക. ഇത് ഊര്ജം നല്കും. മസിലുകള്ക്ക് ആയാസം നല്കും. ശരീരത്തിലെ രക്തയോട്ടം വര്ദ്ധിയ്ക്കും. യോഗ പോലുള്ളവ മാനസിക സന്തോഷവും നല്കുന്നു.നീരിറക്കവും നീര്ക്കെട്ടും ഒഴിവാക്കാം….നീരിറക്കവും നീര്ക്കെട്ടും ഒഴിവാക്കാം….
പ്രതികരിക്കാൻ ഇവിടെ എഴുതുക