കൊച്ചി: ആലുവയില് എട്ടുവയസ്സുകാരിയെ പീഡിപ്പിച്ച കേസിലെ പ്രതി ക്രിസ്റ്റല് രാജിനെതിരെ വീണ്ടും പോക്സോ കേസ്. പെരുമ്പാവൂര് പൊലീസാണ് കേസെടുത്തത്. ഈ കേസിലും അറസ്റ്റ് രേഖപ്പെടുത്തും. ആലുവയിലേതിന് സമാനമായി, മോഷ്ടിക്കാനെത്തിയ വീട്ടിലെ കുട്ടിയെ കടന്നുപിടിക്കുകയായിരുന്നു.
പ്രതിയുടെ ചിത്രം തിരിച്ചറിഞ്ഞതോടെയാണ് പുതിയ കേസ്. ക്രിസ്റ്റല് രാജിനെതിരെ പെരുമ്പാവൂര് സ്റ്റേഷനില് രജിസ്റ്റര് ചെയ്യുന്ന മൂന്നാമത്തെ കേസാണിത്. വാഹന മോഷണ കേസിലും പ്രതിയാണ് ക്രിസ്റ്റല്രാജ്.
പ്രതിയെ 14 ദിവസത്തേക്ക് ആലുവ മജിസ്ട്രേറ്റ് കോടതി റിമാൻഡ് ചെയ്തു. തിങ്കളാഴ്ച എറണാകുളം പോക്സോ കോടതി പ്രതിയുടെ കസ്റ്റഡി അപേക്ഷ പരിഗണിക്കും. പ്രതിക്കെതിരെ പീഡനവും തട്ടിക്കൊണ്ടുപോകലും പോക്സോ അടക്കമുള്ള വകുപ്പുകളും ചുമത്തി.
കഴിഞ്ഞ ദിവസമാണ് ആലുവ ചാത്തൻപുറത്ത് ബിഹാർ സ്വദേശികളുടെ മകളായ ഒമ്പതുവയസുകാരി ക്രൂര ലൈംഗിക പീഡനത്തിന് ഇരയായത്. തൊഴിലാളികളുടെ മകളെ ഉറക്കത്തിനിടെ തട്ടിക്കൊണ്ടുപോയി പീഡിപ്പിക്കുകയായിരുന്നുവെന്നാണു പൊലീസ് പറയുന്നത്. വ്യാഴാഴ്ച പുലർച്ചെ രണ്ടു മണിയോടെയാണ് സംഭവം.
പ്രതികരിക്കാൻ ഇവിടെ എഴുതുക