കോഴിക്കോട്: ജില്ലയിൽ നിപ ബാധയെ തുടര്ന്ന് കാലിക്കറ്റ് സര്വകലാശാല പരീക്ഷകള് മാറ്റി. സെപ്റ്റംബര് 18 മുതല് 23വരെ നടത്താനിരുന്ന പരീക്ഷകളാണ് മാറ്റിവച്ചത്. പുതുക്കിയ തീയതി പിന്നീട് പ്രഖ്യാപിക്കും.
അതേസമയം, കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങള് അനിശ്ചിതകാലത്തേക്ക് അടച്ചിടുമെന്ന ഉത്തരവ് അധികൃതര് തിരുത്തി. ജില്ലയിലെ അവധി ഈ മാസം 18 മുതല് 23 വരെയാക്കി ചുരുക്കി.
മുന് ഉത്തരവ് ജനങ്ങളില് ഭീതിപടര്ത്തിയതിനാലാണ് അവധി ചുരുക്കിയത്. ഇതോടെ തിങ്കളാഴ്ച മുതല് ക്ലാസുകള് ഓണ്ലൈനായി നടക്കും. പൊതുപരീക്ഷകള്ക്ക് മാറ്റമുണ്ടാകില്ല.
ജില്ലയിലെ പല സ്ഥലങ്ങളും കണ്ടെയ്ന്മെന്റ് സോണുകളാണ്. കണ്ടെയ്ന്മെന്റ് സോണുകളില് കര്ശനമായ നിയന്ത്രണങ്ങള് ഏര്പ്പെടുത്തിയിട്ടുണ്ട്.
പ്രതികരിക്കാൻ ഇവിടെ എഴുതുക