കാവേരി നദീജലം തമിഴ്നാടിന് വിട്ടുനല്കുന്നതില് പ്രതിഷേധിച്ച് കര്ണാടകയില് കന്നഡ അനുകൂല സംഘടനകള് ആഹ്വാനം ചെയ്ത ബന്ദിൽ സംസ്ഥാനത്തിന്റെ വിവിധ ഭാഗങ്ങളില് നിന്നായി വിവിധ സംഘടനകളിലെ 50 ഓളം പേരെ കസ്റ്റഡിയിലെടുത്തു.
ഗതാഗത സൗകര്യങ്ങളും ഹോട്ടലുകളും മറ്റ് സൗകര്യങ്ങളും തടസ്സപ്പെടാന് സാധ്യതയുള്ളതിനാല് രാവിലെ മുതൽ വൈകിട്ട് വരെ നീളുന്ന പ്രതിഷേധം ജനങ്ങളെ ബുദ്ധിമുട്ടിലാക്കാൻ ആണ് സാധ്യത.
തലസ്ഥാനമായ ബെംഗളൂരു ഉള്പ്പെടെ സംസ്ഥാനത്തിന്റെ വിവിധ ഭാഗങ്ങളില് പ്രതിഷേധ റാലികള് ആസൂത്രണം ചെയ്തിട്ടുണ്ട്. ബെംഗളൂരുവിലെ എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും.
നഗരത്തില് സെക്ഷന് 144 പ്രകാരം നിയന്ത്രണങ്ങള് ഏര്പ്പെടുത്തിയിട്ടുണ്ട്. സംസ്ഥാനത്തുടനീളം വിപുലമായ സുരക്ഷാ ക്രമീകരണങ്ങള് ഏര്പ്പെടുത്തുകയും വന്തോതില് പോലീസ് ഉദ്യോഗസ്ഥരെ വിന്യസിക്കുകയും ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക