രണ്ബീര് കപൂർ നായകനാകുന്ന പുതിയ ചിത്രമാണ് ‘ആനിമല്’. പ്രേക്ഷകനെ ആകാംക്ഷയുടെ മുൾമുനയിൽ നിർത്തിക്കൊണ്ട് പുറത്തിറങ്ങിയ ടീസർ വലിയ പ്രതീക്ഷയാണ് പ്രേക്ഷകർക്ക് നൽകിയത്. ലുക്കിലും ഭാവത്തിലും പ്രേക്ഷകനെ ആവേശത്തിലാക്കുന്ന രൺബീർ കപൂറാണ് ടീസറിന്റെ ഹൈലൈറ്റ്. സന്ദീപ് റെഡ്ഡി വാംഗയാണ് ചിത്രം സംവിധാനം ചെയ്യുന്നത്.
ഭൂഷണ് കുമാറിന്റെയും കൃഷന് കുമാറിന്റെയും ടി-സീരീസ്, മുറാദ് ഖേതാനിയുടെ സിനി വണ് സ്റ്റുഡിയോസ്, പ്രണയ് റെഡ്ഡി വംഗയുടെ ഭദ്രകാളി പിക്ചേഴ്സ് എന്നിവര് ചേര്ന്നാണ് ചിത്രം നിര്മ്മിക്കുന്നത്.
അനില് കപൂര്, രശ്മിക മന്ദാന, ബോബി ഡിയോള്, തൃപ്തി ദിമ്രി എന്നിവരും ചിത്രത്തില് വേഷമിടുന്നു. ഹിന്ദി, തെലുങ്ക്, തമിഴ്, കന്നഡ, മലയാളം എന്നീ ഭാഷകളിലായി 2023 ഡിസംബര് ഒന്നിന് ചിത്രം ആഗോള തലത്തിൽ റിലീസിനെത്തും.
പ്രതികരിക്കാൻ ഇവിടെ എഴുതുക