കൊച്ചി: എറണാകുളത്ത് സഹപ്രവര്ത്തകര്ക്കെതിരെ കുറിപ്പെഴുതി വെച്ച് പൊലീസുകാരന് ജീവനൊടുക്കി. കളമശ്ശേരി എംആര് ക്യാമ്പിലെ ഡ്രൈവര് ജോബി ദാസ് (48) ആണ് വീടിനുള്ളില് തൂങ്ങിമരിച്ചത്. മൂവാറ്റുപുഴ സ്വദേശിയായ ജോബി ദാസിനെ ഉച്ചയ്ക്ക് രണ്ടു മണിയോടെയാണ് വീടിനുള്ളില് മരിച്ച നിലയില് കണ്ടെത്തുന്നത്.
തുടര്ന്ന് നടത്തിയ പരിശോധനയിലാണ് ആത്മഹത്യാക്കുറിപ്പ് കണ്ടെടുത്തത്. കൂടെ ജോലി ചെയ്തവര്ക്കെതിരെ ഗുരുതര ആരോപണങ്ങളാണ് ആത്മഹത്യാക്കുറിപ്പിലുള്ളത്. തന്റെ ശമ്പള വര്ധനക്കെതിരെ ഗൂഢാലോചന നടന്നുവെന്നും ജോബി ആരോപിക്കുന്നു.
കുറച്ചു നാളുകളായി താന് കടുത്ത മാനസിക സമ്മര്ദ്ദത്തിലായിരുന്നുവെന്നും തനിക്കെതിരെ പ്രവര്ത്തിച്ചവരുടെ പേര് അടക്കമുള്ള വിവരങ്ങളും കത്തില് ഉള്ളതായാണ് സൂചന. മരണശേഷം തന്റെ മൃതദേഹം കാണാന് ഇവരെ അനുവദിക്കരുതെന്നും കുറിപ്പിലുണ്ട്.
അമ്മയെ നല്ലപോലെ നോക്കണമെന്നും, നന്നായി പഠിക്കണമെന്നും, പൊലീസില് അല്ലാതെ ഏതെങ്കിലും നല്ല ജോലി നേടിയെടുക്കണമെന്നും കത്തില് ജോബി മക്കളോട് പറയുന്നുണ്ട്.
പ്രതികരിക്കാൻ ഇവിടെ എഴുതുക