തിരുവനന്തപുരം: ഇസ്രായേൽ-ഹമാസ് സംഘർഷം തുടരുന്ന സാഹചര്യത്തിൽ ഇസ്രായേലിൽ കുടുങ്ങിക്കിടക്കുന്ന മലയാളികളുടെ സുരക്ഷിതത്വം ഉറപ്പുവരുത്തുന്നതിനുള്ള നടപടികള് കേന്ദ്ര സര്ക്കാര് സ്വീകരിക്കണമെന്ന് സി.പി.എം.
ഏറ്റുമുട്ടലുകള് ഇനിയും തുടരുന്നത് നിരപരാധികളുടെ ജീവന് കൂടുതല് നഷ്ടപ്പെടാന് മാത്രമേ ഇടയാക്കുകയുള്ളൂ. ഇസ്രായേല്, ഫലസ്തീന് ഭൂപ്രദേശങ്ങള് വ്യാപകമായി പിടിച്ചെടുക്കുകയും ഫലസ്തീന് പൗരന്മാരെ കൊലപ്പെടുത്തുകയും ചെയ്യുന്ന സംഭവമാണ് ഇത്തരമൊരു സ്ഥിതിവിശേഷത്തിന് അടിസ്ഥാനമിട്ടത്.
ജനാധിപത്യപരമായ രീതിയില് ഇത്തരം പ്രശ്നങ്ങളെ മനസ്സിലാക്കി പരിഹരിക്കുകയാണ് വേണ്ടത്. അതിനുള്ള സാഹചര്യം സൃഷ്ടിക്കാനുള്ള ഇടപെടലാണ് ഉണ്ടാകേണ്ടതെന്നും പ്രസ്താവനയില് സി.പി.എം ആവശ്യപ്പെട്ടു.
പ്രതികരിക്കാൻ ഇവിടെ എഴുതുക