നാഗചൈതന്യയുടെ പേരില് ചെയ്ത ടാറ്റൂ നീക്കം ചെയ്ത് നടി സാമന്ത റൂത്ത് പ്രഭു. ഇന്സ്റ്റഗ്രാമില് താരം പങ്കുവെച്ച പുതിയ ചിത്രങ്ങളില് വയറിന്റെ ഭാഗത്തുള്ള ടാറ്റൂ നീക്കം ചെയ്തതായാണ് കാണാൻ സാധിക്കുന്നത്. ഇരുവരും പ്രണയത്തിലായിരുന്ന സമയത്ത് സാമന്ത ശരീരത്തിൽ മൂന്ന് ടാറ്റൂ ചെയ്തിരുന്നു.
സാമന്തയുടെ കഴുത്തിന് പിന്നിലായി ചെയ്ത ടാറ്റൂ ആയിരുന്നു ആദ്യത്തേത്. സാമന്തയും നാഗചൈതന്യയും തമ്മില് കാണാന് ഇടയാക്കിയ ആദ്യ സിനിമയുടെ ചുരുക്കപ്പേരാണ് അതെന്നാണ് ആരാധകരുടെ പക്ഷം. പുരുഷന്റെ വാരിയെല്ലു കൊണ്ടാണ് പങ്കാളിയ്ക്ക് ജീവന് നല്കിയത് എന്ന വിശ്വാസത്തിൽ നാഗചൈതന്യയുടെ ചുരുക്കപ്പേരായിരുന്നു വലത് വശത്തുള്ള വാരിയെല്ലിന് മുകളിലായി സാമന്ത ടാറ്റൂ ചെയ്തിരുന്നത്. വിവാഹത്തിന് ശേഷം ഒരിക്കല് ഈ ടാറ്റൂവിനെക്കുറിച്ച് സാമന്ത വെളിപ്പെടുത്തിയിരുന്നു.
സാമന്തയും നാഗചൈതന്യയും ചെയ്തിട്ടുള്ള കപ്പിള് ടാറ്റൂവായിരുന്നു അവസാനത്തേത്. പരസ്പരം ഉന്നം വെച്ചിട്ടുള്ള ആരോ മാര്ക്കുകളായിരുന്നു അത്. 2017 ൽ വിവാഹിതരായ ഇവർ 2021ല് വേര്പിരിയുകയായിരുന്നു.
പ്രതികരിക്കാൻ ഇവിടെ എഴുതുക