ഇടുക്കി: മൂന്നാറിലെ ചിന്നക്കനാലിൽ അനധികൃത കയ്യേറ്റമൊഴിപ്പിക്കാനുള്ള ദൗത്യ സംഘം നടപടികള് ആരംഭിച്ചു. ആനയിറങ്കല്, ചിന്നക്കനാല് മേഖലകളിലെ കയ്യേറ്റമാണ് ഒഴിപ്പിക്കുന്നത്. അഞ്ചേക്കര് സര്ക്കാര് ഭൂമി കയ്യേറിയ ഏലകൃഷിയാണ് ഒഴിപ്പിക്കുന്നത്. സ്ഥലത്ത് സര്ക്കാര് വക ഭൂമിയെന്നും ദൗത്യ സംഘം ബോര്ഡ് സ്ഥാപിച്ചു. വരും ദിവസങ്ങളിൽ കൂടുതൽ കയ്യേറ്റങ്ങൾ ഒഴിപ്പിക്കും എന്ന് തഹസിൽദാർ വ്യക്തമാക്കി.
രാവിലെ ആറ് മണിയോടെ തന്നെ കയ്യേറ്റം ഒഴിപ്പിക്കാനുളള നടപടികള് സംഘമാരംഭിച്ചു. ജില്ലാ കളക്ടറുടെ നേതൃത്വത്തിലുള്ള സംഘമാണ് അപ്രതീക്ഷിത ഒഴിപ്പിക്കല് നടപടികളിലേക്ക് കടന്നത്. എന്നാല് ദൗത്യസംഘത്തിന് നേരെ കര്ഷകരുടെ പ്രതിഷേധം ശക്തമായി.
മൂന്നാറിലെ കയ്യേറ്റ ഭൂമിയില് അനധികൃതമായി നിര്മ്മിച്ചിരിക്കുന്നത് 50ലധികം വന്കിട കെട്ടിടങ്ങളാണ്. സ്റ്റോപ്പ് മെമ്മോ പോലും അവഗണിച്ചാണ് പല കെട്ടിടങ്ങളുടെയും നിര്മ്മാണം പൂര്ത്തിയാക്കിയത്. വന്കിട കമ്പനികള് മുതല് രാഷ്ട്രീയ പ്രമുഖരുടെ ബന്ധുക്കള് വരെ ഈ പട്ടികയില് ഉണ്ട്.
പ്രതികരിക്കാൻ ഇവിടെ എഴുതുക