തിരുവനന്തപുരം: സംസ്ഥാനത്ത് സുരക്ഷിതമായ ഭക്ഷണം ഉറപ്പാക്കുമെന്നും ഭക്ഷ്യവിഷബാധ പൂർണമായി ഒഴിവാക്കുന്നതിനെതിരെയുള്ള നടപടികളാണ് സ്വീകരിച്ചുവരുന്നതെന്നും ആരോഗ്യ മന്ത്രി വീണാ ജോർജ്. പച്ച മുട്ട ഉപയോഗിച്ചുള്ള മയോണൈസ് സംസ്ഥാനത്ത് നിരോധിച്ചിട്ടുള്ളതാണെന്നും വീഴ്ച വരുത്തുന്ന ഹോട്ടലുകൾ പൂട്ടിക്കുമെന്നും മന്ത്രി വ്യക്തമാക്കി. നേരത്തെ ഇതു സംബന്ധിച്ച് മാർഗനിർദേശങ്ങൾ പുറത്തിറക്കിയിട്ടുണ്ടെന്ന് മന്ത്രി വ്യക്തമാക്കി.
സംസ്ഥാനത്ത ഭക്ഷ്യവിഷബാധ പൂർണമായി ഒഴിവാക്കുന്നതിനെതിരെയുള്ള നടപടികളാണ് സ്വീകരിച്ചുവരുന്നതെന്ന് മന്ത്രി അറിയിച്ചു. ഇതിനെതിരെ ഏതെങ്കിലും തരത്തലുള്ള പ്രവർത്തനങ്ങൾ നടന്നിട്ടുണ്ടെങ്കിൽ കർശനമായി നേരിടുമെന്നും യാതൊരു വിട്ടു വീഴ്ചയുണ്ടാകില്ലെന്നും മന്ത്രി വ്യക്തമാക്കി.
രാഹുലിന്റെ മരണം ഷവർമയിൽ നിന്ന് ഭക്ഷ്യവിഷബാധയേറ്റെന്ന സംശയം നിലനിൽക്കുന്നതിനാൽ പരിശോധനാഫലം കിട്ടിയശേഷം തുടർനടപടികളെടുക്കുമെന്ന് മന്ത്രി വ്യക്തമാക്കി.
പ്രതികരിക്കാൻ ഇവിടെ എഴുതുക